Pampiea: My viedajem, čaho choča narod Biełarusi
ZŠA razhladajuć mahčymaści dla akazańnia padtrymki narodu Biełarusi ŭ pracesie ŭrehulavańnia palityčnaj situacyi ŭ krainie. Adpaviednuju zajavu zrabiŭ u čaćvier dziaržsakratar ZŠA Majkł Pampiea ŭ intervju telekanału Fox News, piša TASS.
«My viedajem, čaho choča narod Biełarusi. Jany chočuć źmien, jany chočuć svabody, — ukazaŭ Pampiea. — Jany chočuć pajści pa šlachu, pa jakim ich nie vioŭ prezident Łukašenka, i my budziem padtrymlivać ich i sprabavać akazvać dapamohu, budziem vykarystoŭvać dypłamatyčnyja mahčymaści».
Pry hetym Pampiea nie staŭ adkazvać na pytańnie ab tym, ci razhladajuć ZŠA vierahodnaść pryznańnia prezidentam Biełarusi Śviatłany Cichanoŭskaj.
Pampiea taksama padkreśliŭ, što ZŠA vystupajuć suprać zamiežnaha ŭmiašańnia ŭ praces urehulavańnia situacyi, u tym liku z boku Rasii.
