Nacbank: Situacyja ź likvidnaściu ŭ bankaŭskaj sistemie stabilizavałasia
Nacyjanalny bank Biełarusi 30 vieraśnia nie pravodziŭ čarhovy štotydniovy kredytny aŭkcyjon u suviazi z praficytam likvidnaści ŭ bankaŭskaj sistemie, paviedamili «Interfaksu» ŭ pres-słužbie NBB.
«Učora (30 vieraśnia) kredytny aŭkcyjon nie pravodziŭsia, bo ŭ sistemie praficyt likvidnaści. U najbližejšy tydzień my nie čakajem źnižeńnia praficytu likvidnaści. Možna skazać, što situacyja ź likvidnaściu ŭ bankaŭskaj sistemie stabilizavałasia», — skazaŭ pradstaŭnik pres-słužby NBB.
Pavodle jaho słoŭ, klučavym faktaram dla farmiravańnia praficytu likvidnaści ŭ sistemie stała nie toje, što banki pavysili depazitnyja staŭki da ŭzroŭniu 17-20% hadavych, situacyja ź likvidnaściu stabilizavałasia pad upłyvam inšych faktaraŭ. «Vyznačalny ŭpłyŭ akazali kupla Nacyjanalnym bankam valuty na ŭnutranym rynku i vydatki Ministerstva finansaŭ», —dadali ŭ pres-słužbie.
Miž tym, pytańnie daterminovaha źniaćcia maratoryja na vykarystańnie pastajanna dastupnych instrumientaŭ padtrymki likvidnaści bankaŭ «na siońniašni dzień nie razhladajecca.
