Łukašenka — kiraŭniku Emaar Properties: Vaša praca ŭ Biełarusi, inviestycyi nam vielmi darečy
BiełTA
Alaksandr Łukašenka vitaje pracu ŭ krainie i inviestycyi kampanii Emaar Properties. Pra heta jon zajaviŭ siońnia na sustrečy sa staršynioj savieta dyrektaraŭ kampanii Emaar Properties Muchamiedam Ali al-Abaram, piša BiełTA.
«Pierš za ŭsio chaču adznačyć vašu punktualnaść i abaviazkovaść. Prykładna hod tamu, sustrakajučysia z vami, my damovilisia ab našaj sumiesnaj pracy. Tady byŭ zadumany šerah prajektaŭ, jakija vy ŭziali ŭ prapracoŭku i hatovyja byli ažyćciavić u Biełarusi, pačynajučy ad sielskaj haspadarki i zakančvajučy budaŭnictvam bujnych infrastrukturnych abjektaŭ, — adznačyŭ kiraŭnik dziaržavy. — My damaŭlalisia z vami, što hetaj vosieńniu paśla prezidenckich vybaraŭ sustreniemsia i kančatkova rasstavim usie kropki nad «i». I voś za heta ja vam udziačny, što vy punktualna, jak damovilisia, pryjechali ŭ hety dzień».
«My razumiejem, što ciapier u śviecie časy nie prostyja. Vyklik čałaviectvu kinuty pa mnohich napramkach. Za inviestara ŭ suviazi z hetym idzie vielmi vostraja baraćba. I, viadoma, vaša praca ŭ Biełarusi, tyja inviestycyi, jakija vy płanujecie ažyćciavić, siońnia nam vielmi darečnyja», — zajaviŭ Alaksandr Łukašenka.
Pa jaho słovach, abjomy rabot buduć vielmi vialikija. «Tamu my ŭ takim pradstaŭničym składzie siońnia sabralisia (na sustrečy ź biełaruskaha boku taksama prysutničali premjer-ministr, staršynia Minharvykankama, pamočnik prezidenta pa nacyjanalnaj biaśpiecy), kab nie było zaminki ŭ vašych pracach», — adznačyŭ kiraŭnik dziaržavy.
Alaksandr Łukašenka skazaŭ, što pamiataje abiacańnie Muchamieda Ali al-Abara, što ŭ Biełarusi pabudujuć samyja pryhožyja budynki i zbudavańni, jakija buduć vizitnaj kartkaj AAE ŭ centry Jeŭropy. «Tamu ja hatovy abmierkavać siońnia ŭsie pytańni, jakija ŭ suviazi z hetym uźnikli, i kali jość niejkija prablemnyja pytańni, hatovyja ich adrazu ž vyrašyć», — dadaŭ jon.
Muchamied Ali al-Abar — saŭładalnik bujnych mižnarodnych kampanij u halinie inviestycyj, nieruchomaści, haściničnaha biznesu, elektronnaha handlu, łahistyki, hramadskaha charčavańnia, mody, dyzajnu i inšych. Jaho biznes prysutničaje bolš čym u 50 krainach śvietu. Jon źjaŭlajecca idejnym natchnialnikam i vykanaŭcam kancepcyi stvareńnia sučasnaha Dubaja, klučavym daradcam pa ekanamičnych i inviestycyjnych pytańniach kiraŭnikoŭ Abu-Dabi i Dubaja.