Salidarnaść z kalehami: bolš za 70 rabotnikaŭ «Hrodna Azota» napisali zajavy na zvalnieńnie
Fota Tut.by
Bolš za 70 rabotnikaŭ «Hrodna Azota» napisali zajavy na zvalnieńnie. U asnoŭnym heta technałahičny piersanał cecha «Amijak-3».
Jak tłumačyć kiraŭnik stačkama Juryj Ravavy, z takim niedachopam kadraŭ pracavać cechu budzie niemahčyma. Bolš za toje, bieź ich pracy moža stać uvieś zavod, pakolki cech vydaje pradukty, nieabchodnyja dla inšych vytvorčaściaŭ.
Zajavy rabotniki jašče nie addali — jany lažać u cechu.
«Ludzi najpierš chočuć spynić cisk na svaich kaleh. Z 30 vieraśnia pavinny pačacca sudy nad zatrymanymi ŭ kancy žniŭnia na šeści. Rabočyja chočuć nie dapuścić sudoŭ nad saboj i kalehami», — kaža kiraŭnik stačkama.
Adzin z supracoŭnikaŭ cecha, Ihar Rubcevič, užo byŭ asudžany na 5 sutak, što vyklikała abureńnie rabočych.
Raniej azotaŭcy kazali, što raptoŭna paralizavać pracu pradpryjemstva niebiaśpiečna, heta pryviadzie da ekałahičnych prablem.
«Nichto nie kaža pra ekstrannaje spynieńnie pracy, tamu nijakich pahroz ekałohii i abstalavańniu niama. Razmova pra ŭzhodnienaje narmalnaje spynieńnia cechu bližej da kanca miesiačnaha terminu, — supakojvaje Juryj Ravavy. — Rabotniki pa zakonie pavinny papiaredžvać najmalnika za miesiac da zvalnieńnia. Kali ludzi nie zdaduć nazad, to najmalnik sam vymušany budzie vydać rasparadžeńnie ab spynieńni cecha. Vielmi spadziajusia, što rabočyja vytrymajuć cisk».
