Pišacie vieršy, redahujecie i pierakładajecie teksty? Zapisvajciesia na Škołu maładoha litaratara
HA «Sajuz biełaruskich piśmieńnikaŭ» zaprašaje ŭ Škołu maładoha litaratara «W/Rights». Kali tabie da 35 hadoŭ i ty pišaš paeziju, krytyku, redahuješ albo pierakładaješ teksty — śmieła padavaj zajaŭku.
«W/Rights» abjadnoŭvaje paetaŭ, krytykaŭ, redaktaraŭ i pierakładčykaŭ, jakija padčas navučańnia nie tolki palapšajuć jakaść svaich tekstaŭ, ale i atrymlivajuć miechanizm realizacyi svaich kulturnickich pravoŭ. Prajekt ažyćciaŭlajecca ŭ partniorstvie z hramadska-kulturnickaj kampanijaj «Budźma biełarusami!», pravaabarončaj inicyjatyvaj «Žurnalisty za talerantnaść», Ofisam jeŭrapiejskaj ekśpiertyzy i kamunikacyj.
Vykładańnie ŭ Škole budzie vieścisia na dvuch adździaleńniach: «Paezija/Pierakład paezii» i «Krytyka/Litaraturnaje redahavańnie».
Navučańnie ŭ Škole — biaspłatnaje!
Škoła maładoha litaratara «W/Rights» — heta:
- bazavyja viedy ŭ halinie kulturnickich pravoŭ,
- aktualnyja praktyki creative writing,
- kamunikacyja i ŭzajemnaje abmierkavańnie tekstaŭ z kalehami,
- teoryja krytyki, paezii i paetyčnaha pierakładu,
- navučańnie asnovam pramocyi, kraŭdfandynha i fandrajzinha ŭ śfiery kultury,
- sieminary pa vyjaŭleńni movy varožaści ŭ tekstach,
- vorkšopy z najlepšymi paetami i piśmieńnikami Biełarusi,
- sustrečy z vydaŭcami, dyzajnierami i śpiecyjalistami pa aŭtarskim pravie,
- mahčymaść nadrukavać svaje tvory.
Umovy pastupleńnia:
Uzrost: 18-35 hadoŭ.
Zajaŭka na adras [email protected]
Što pavinna być u zajaŭcy
1) uzor vodhuku/recenzii na pračytanuju knihu (dla adździaleńnia «Krytyka/Litaraturnaje redahavańnie») albo paezii/pierakładu (dla adździaleńnia «Paezija/Pierakład paezii») luboha žanru na biełaruskaj movie abjomam 2—5 staronak,
2) matyvacyjny list z adkazam na pytańnie, čamu vy chočacie navučacca ŭ Škole,
3) śpis z 5—10 knih, jakija na vas paŭpłyvali najbolš.
Praviły afarmleńnia zajaŭki:
* Tema lista: W/Rights z paznakaj «Krytyka/Litaraturnaje redahavańnie» albo «Paezija/Pierakład paezii».
* Vašy teksty, matyvacyjny list i śpis knih dasyłajcie razam adnym fajłam u farmacie.docx (.doc). Na pieršaj staroncy paznačcie svajo imia i proźvišča, adras pražyvańnia, datu naradžeńnia, e-mail i kantaktny numar telefona.
* Fajł nazavicie łacinkaj nastupnym čynam: vaša proźvišča, nižniaje padkreślivańnie, vaša imia. Naprykład:
- Pashkevich_Alaiza.docx
- Bahdanovich_Maksim.docx
Zajaŭki dla pastupleńnia prymajucca na elektronnuju poštu: [email protected] da 1 kastryčnika 2020 hoda.
Zajaŭki nie recenzujucca. Pryjom pavodle konkursu. Pra vyniki pryjomnaj kampanii budzie paviedamlena na pačatku kastryčnika na sajcie lit-bel.org i ŭ paštovaj rassyłcy. Pry paśpiachovym zaličeńni ŭ Škołu vam paviedamiać heta da pačatku zaniatkaŭ pa numary telefona, jaki vy pakinuli.
Zyčym pośpiechu!