U AAN źviazali śmiarotnaść ad karanavirusa z zabrudžanaściu pavietra
Mocnaja zabrudžanaść pavietra moža vyklikać pavyšeńnie ŭzroŭniu śmiarotnaści ad zachvorvańnia, vyklikanaha karanavirusam. Pra heta havorycca ŭ apublikavanym u aŭtorak dakładzie AAN ab uździejańni pandemii na žyćcio ŭ bujnych haradach, piša tass.ru.
Pry hetym u arhanizacyi papiaredzili: kali nie pryniać miery pa achovie navakolnaha asiarodździa ŭ pracesie źniaćcia karancinnych mier, ačyščeńnie pavietra stanie tolki časovym dasiahnieńniem. U suviazi z hetym hienieralny sakratar AAN Antoniu Huteryš zaklikaŭ «trymacca zialonaj palityki pry inkluziŭnym adnaŭleńni ekanomiki».
«U mnohich haradach byli stvorany novyja vieładarožki, piešachodnyja zony, što dazvalaje palepšyć biaśpieku pieramiaščeńnia i jakaść pavietra», — adznačyŭ jon.
«Stymulujučyja vypłaty ŭradaŭ mohuć dapamahčy nam na šlachu da vykanańnia metaŭ ustojlivaha raźvićcia, kali jany buduć sfakusavanyja na ekałahičnaj transfarmacyi i stvareńni novych pracoŭnych miescaŭ», — skazaŭ na zakančeńnie hienieralny sakratar.
U AAN taksama raspaviali, što kala 90% zafiksavanych vypadkaŭ infikavańnia karanavirusam prypadaje na bujnyja harady.
Pry hetym, jak adznačyli ŭ AAN, heta nieabaviazkova źviazana z vysokaj ščylnaściu nasielnictva. «Bujnyja harady byvajuć uraźlivyja z-za ich arhanizacyi, asablivaściaŭ umoŭ žyćcia, pracy i ruchaŭ ich žycharoŭ», — padkreślivajecca ŭ dakładzie.
«Nieabchodna zabiaśpiečyć, kab na ŭsich etapach adkaz na vykliki pandemii ŭklučaŭ u siabie likvidacyju niaroŭnaści, — zajaviŭ Huteryš. — Nam treba pastavić u asnovu abaronu najbolš uraźlivych žycharoŭ našych haradoŭ, u tym liku stvarajučy prytułki i novyja damy dla biazdomnych». «Heta naš šaniec zrabić śviet lepš, čym da pandemii, stvaryć bolš ustojlivyja, inkluziŭnyja i ekałahičnyja harady», — skazaŭ na zakančeńnie jon.
