Biełarusy čarhovy raz sabralisia anłajn, kab zaśpiavać karahodnuju pieśniu «Što j pa moru»
Biełarusy z roznych krain śvietu zaśpiavali razam narodnuju karahodnuju pieśniu «Što j pa moru». Pahladzicie-pasłuchajcie. Da dryžykaŭ!
Hramadskaja kampanija «Hodna» razam z muzykam Sieržukom Doŭhušavym, lidaram hurta Vuraj i stvaralnikam inicyjatyvy «Śpieŭny schod», zapuściła štotydniovy muzyčny prajekt «Śpiavajem Hodna».
Sens jaho: źbirać u anłajn-farmacie biełarusaŭ z roznych kutkoŭ śvietu i śpiavać viadomyja i znakavyja biełaruskija pieśni razam ź ich aŭtarami i vykanaŭcami.
U čarhovym roliku «Śpiavajem hodna» my prezientujem biełaruskuju karahodnuju pieśniu «Što j pa moru». Karahod, jaki ŭsich jadnaje, asabliva ŭ hetyja składanyja časy, kali nam treba trymacca za ruki i być razam.
Biełaruskija narodnyja pieśni adny z samych staražytnych piesień Jeŭropy. Pasłuchajcie, heta niešta mahičnaje:
U zapisie paŭdzielničali bolš za 20 biełaruskich falkłornych kalektyvaŭ i solnych vykanaŭcaŭ.
Siarod ich hurt «Varhan», «Rada», Guda, Volia (ZŠA), «Javarovyja ludzi» (Kanada), «Miareža», «Biełarusy Prybaĭkalla», H.S.P, Anton Bielski (duda), «Hamanina», hurt ź viëski Dziatłavičy, Siaržuk Doŭhušaŭ (kołavaja lira), Maša Jar, Vieranika Kruhłova, maładyja vykanaŭcy Ułada i Sofja, Patrycyja Śvicina, Lizavieta Reŭt i inšyja.
U zapisie novych piesień moža paŭdzielničać kožny achvotny. Kab nie prapuścić naviny, dałučajciesia da telehram-kanała i čata «Hodna»: https://t.me/hodnaby.
Tam Siaržuk Doŭhušaŭ budzie publikavać anonsy i instrukcyi pa novych pieśniach, a taksama davać parady, jak pravilna śpiavać i hrać, kab Jaŭhienu Ciarenćjevu, jaki ŭ prajekcie adkazny za vytvorčaść videa i huku, było praściej usio heta zvodzić u adzin rolik.