Takoha vykanańnia «Pahoni» vy jašče nie čuli. Sotni ludziej, u tym liku zorka opiery, zaśpiavali razam
Biełarusy z roznych krain śvietu zaśpiavali razam nacyjanalny himn Biełarusi «Pahonia». U zapisie pieśni paŭdzielničaŭ viadomy opierny baryton Illa Silčukoŭ, zajhrali na huślach i praśpiavali Aleś Čumakoŭ i Taćciana Jačnaja. Asablivaja padziaka za ŭdzieł dyryžoru choru Concordia Halinie Kazimiroŭskaj.
Hramadskaja kampanija «Hodna» razam z muzykam Sieržukom Doŭhušavym, lidaram hurta Vuraj i stvaralnikam inicyjatyvy «Śpieŭny schod», zapuściła štotydniovy muzyčny prajekt «Śpiavajem Hodna».
Sens jaho: źbirać u anłajn-farmacie biełarusaŭ z roznych kutkoŭ śvietu i śpiavać viadomyja i znakavyja biełaruskija pieśni razam ź ich aŭtarami i vykanaŭcami.
Siońnia, 22 červienia, adbyłasia premjera videarolika «Śpiavajem Hodna nacyjanalny himn «Pahonia».
Nastupnym razam udzielnikam budzie prapanavana zaśpiavać pieśniu Siarhieja Michałka. Jakuju mienavita — pakul trymajecca ŭ sakrecie. Ale pra ŭsio budzie svoječasova paviedamlena. U zapisie novych piesień moža paŭdzielničać kožny achvotny. Kab nie prapuścić naviny, dałučajciesia da telehram-kanała i čata «Hodna»: https://t.me/hodnaby.
Tam Siaržuk Doŭhušaŭ budzie publikavać anonsy i instrukcyi pa novych pieśniach, a taksama davać parady jak pravilna śpiavać i hrać, kab Jaŭhienu Ciarenćjevu, jaki ŭ prajekcie adkazny za vytvorčaść videa i huku, było praściej usio heta zvodzić u adzin rolik.
Da hetaha biełarusy śpiavali razam sa Źmitrom Vajciuškievičam «Ja naradziŭsia tut» i Lavonam Volskim «Pavietrany šar», što z hetaha atrymałasia, vy možacie pahladzieć na jutub-kanale «Hodna»: https://youtube.com/c/hodnaby
Raniejšyja vypuski:
Śpiavajem Hodna ź Lavonam Volskim «Pavietrany šar».
Śpiavajem Hodna sa Źmitrom Vajciuškievičam «Ja naradziŭsia tut».
Himn «Pahonia» (karaokie-viersija): https://youtu.be/a6h9E6jvKvE
Himn «Pahonia» (Vilnia video): https://youtu.be/KovAyhJfeSo
Himn «Pahonia» (lyric video): https://youtu.be/gc6VYsjj4AI