Cyrymoniju «Oskar-2021» adkłali z-za karanavirusa
Cyrymonija ŭručeńnia «Oskaraŭ», jakaja pavinna była prajści 28 lutaha nastupnaha hoda, pieraniesienaja na 25 krasavika, piša bbc.com.
Pakul nie zrazumieła, ci projdzie cyrymonija jak zvyčajna abo arhanizatary prydumajuć anłajn-varyjant «Oskaraŭ».
Taksama praciahvajecca termin padačy zajavak na ŭdzieł u prahramie premii.
Mahčymaść pretendavać na «Oskar» atrymali filmy, jakija vychodziać u prakat ad 1 studzienia 2020 hoda da 28 lutaha 2021 hoda.
Uručeńnie Oskara ŭ historyi premii adkładałasia trojčy. U 1938 hodzie cyrymoniju pieranieśli z-za pavodki ŭ Łos-Andželesie, u 1968-m — z-za zabojstva Marcina Lutera Kinha, a ŭ 1981-m — paśla zamachu na žyćcio prezidenta Ronalda Rejhana.
Padaŭžajučy termin padačy zajavak i pieranosiačy cyrymoniju, Amierykanskaja kinaakademija spadziajecca dać kinavytvorcam čas, kab skončyć vytvorčaść filmaŭ, prypynienych z-za pandemii.
Śpis pretendentaŭ na kinapremiju budzie apublikavany 15 sakavika nastupnaha hoda.
U adpaviednaści z novymi praviłami kinaakademii, na «Oskar» mohuć pretendavać filmy, źniatyja dla stryminhavych płatformaŭ, takich jak Netflix.
Ad kłasičnych praviłaŭ, jakija abviaščajuć, što naminavany film pavinien demanstravacca ŭ kinateatrach Łos-Andželesa pa mienšaj miery tydzień, adstupili. Kinateatry ŭ Łos-Andželesie začynienyja, jak i ŭ bolšaści krain śvietu.
U suviazi z pandemijaj vytvorčaść mnohich filmaŭ była prypynienaja, premjery adkładzienyja abo zusim skasavanyja. Niekatoryja filmy abminuli etap prakatu ŭ kinateatrach i vyjšli adrazu ŭ anłajnie abo na ličbavych nośbitach.
«Oskar» — nie adzinaje bujnoje mierapryjemstva, jaki zakranuła pandemija. Pierienieśli taksama Alimpijskija hulni ŭ Tokia i «Jeŭrabačańnie».
