BSB Bank admianiŭ płatu za internet-bank dla padtrymki biznesu ŭ kryzis
BSB Bank vyrašyŭ padtrymać biznes nulavoj abanienckaj płataj na absłuhoŭvańnie ŭ mabilnym i internet-banku, a zaadno ŭvioŭ bieźlimit płaciažoŭ u rublach.
Inicyjatyva matyvuje biznes pierajści na vydalenuju pracu. U BSB Banku na praciahu troch miesiacaŭ nie buduć spahaniać abanienckuju płatu za mabilny i internet-bank. A kab biznes-klijenty nie zbaŭlali abaroty, bank pradastaviŭ bieźlimit płaciažoŭ u biełaruskich rublach.
«My chočam padtrymać biełaruski biznes. Prapanova «Usio ŭ anłajn!» zabiaśpiečvaje jaho «taryfnymi kanikułami» na niekatoryja bankaŭskija pasłuhi. Heta moža stać dobrym stymułam dla pierachodu na addalenuju pracu i dazvolić vyrašać finansavyja pytańni prosta z domu», — raskryvajuć ideju ŭ BSB Banku.
Skarystacca prapanovaj mohuć jurydyčnyja asoby i indyvidualnyja pradprymalniki, jakija ŭpieršyniu padklučajucca da internet-banku. Heta tyčycca jak dziejsnych, tak i novych klijentaŭ banka.
Padklučyć biaspłatnaje anłajn-absłuhoŭvańnie možna da 1 lipienia, a karystacca — try miesiacy z momantu padklučeńnia. Potym možna pierajści na adzin z pakietaŭ pasłuh dla biznesu.
