Novaje vymiareńnie biełaruskaj fołk-muzyki. Pasłuchajcie žyvy set Shuma VIDEA
Apošnim časam u Shuma adbyłosia šmat cikavych padziej: hurt atrymaŭ premiju Siarhieja Kurochina ŭ naminacyi «Etnamiechanika», uziaŭ udzieł u maštabnym prajekcie «Jeŭrapiejski stadyjon kultury», a klip na pieśniu «Chmarki» staŭ łaŭreatam bierlinskaha fiestyvalu muzyčnaha videa. Taksama biełarusy trapili ŭ topy prestyžnych zamiežnych anłajn-časopisaŭ: Resident Advisor vyłučyŭ ich u top hurtoŭ z post-savieckaj prastory, a beehype uklučyŭ trek Kusta ŭ top-99 piesień minułaha hoda.
Ale najbolš značnaj padziejaj było naradžeńnie dziaciej u salistak Shuma, čamu byŭ pryśviečany apošni albom «Me, Mother». Abranyja pieśni z hetaha relizu hurt syhraŭ u studyi Belsat Music Live u farmacie Premium.
Zdymki prahramy adbylisia 15 sakavika, na dzień narodzinaŭ Rusi, u kole siabroŭ i prychilnikaŭ Shuma. Heta apošniaje vydańnie BML Premium, jakoje paśpieli źniać z hledačami.
Na kanale ŭ YouTube možna pasłuchać muzyčnuju častku prahramy. U poŭnaj ž viersii, jakaja raźmieščana ŭ supołkach u Facebook i Ukantakcie, udzielniki hurta ŭ razmovie ź Miraju Šulc raspaviadajuć pra svoj pieršy vystup u studyi BML dva hady tamu, muzyčnyja husty maleńkich dačok salistak Shuma, fieminisckija miesedžy ŭ biełaruskaj fołk-muzycy, a taksama historyju zapisu apošniaha alboma.
Luby hladač BML moža vyjhrać pryzy ad Shuma: płytki, paštoŭki, nalepki, cišotku, a taksama dva kvitki na kancert hurta. Ich atrymaje toj, chto najbolš udała pierakładzie pieśniu «Sonca» na anhlijskuju movu. Varyjanty dasyłajcie ŭ kamientarach da prahramy ŭ YouTube.
Poŭnaja viersija tut:
UKantakcie — vk.cc/atWZte
Facebook — bit.ly/shumabml
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Padpišyciesia na kanał!
Čytajcie taksama:
Hanna Šarkunova stała śpiavać pa-biełarusku i zapisała kavier na Michałka. Pahladzicie jaje žyvy vystup VIDEA
Hałoŭnyja chity i novaje hučańnie lehiendarnaha hurta. Pasłuchajcie žyvy set Pomidor/OFF VIDEA
Pasłuchajcie, jak hučyć novaja biełaruskaja muzyka. Finalisty konkursu «Zaśpiavaj-6» u studyi Belsat Music Live VIDEA
