Hałoŭnyja chity i novaje hučańnie lehiendarnaha hurta. Pasłuchajcie žyvy set Pomidor/OFF VIDEA
Alaksandr Pamidoraŭ pačynaŭ muzyčnuju karjeru prykancy 80-ch, a ŭ pačatku nulavych źjaviŭsia jahony hurt, jaki sioleta adznačyć 20-hodździe. Amal piać hod ad Pomidor/OFF nie było ničoha čuvać, ale narešcie kalektyŭ vyrašyŭ prypynić svajo maŭčańnie.
U adroźnieńnie ad vobrazaŭ u supolnych muzyčnych prajektach, jakija prynieśli Pamidoravu papularnaść, jahony Pomidor/OFF vyłučajecca bolš žorstkim saŭndam. U studyi Belsat Music Live hurt vykanaŭ svaje najlepšyja chity, niekatoryja ź ich zajmieli novaje hučańnie dziakujučy bubnaču Źmitru Charytanoviču.
Na kanale ŭ YouTube možna pasłuchać muzyčnuju častku prahramy. U poŭnaj ža viersii, jakaja raźmieščana ŭ supołkach BML u Facebook i UKantakcie, Alaksandr Pamidoraŭ u razmovie ź Miraj Šulc raspaviadaje pra siońniašni stan svajho hurta, pošuk novych muzyčnych form, pra novuju biełaruskuju muzyku i jaje aŭtentyčnaść.
Poŭnaja viersija tut:
UKantakcie — vk.cc/atlFOX
Facebook — bit.ly/pomidoroff
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.