Dačka Sidorskaha kupiła ŭ Minsku elitnaje žyllo, jakoje kaštavała $500 tysiač
Pałovu taŭnchausa ŭ składzie žyllovaha kompleksa «Alimpik-Park» na vulicy Ratamskaj u Minsku nabyła hramadzianka Biełarusi i Rasii Aksana Sidorskaja, dačka eks-premjera Siarhieja Sidorskaha.
Na sajcie zabudoŭščyka, kampanii «Tapas», ukazvajecca startavaja cana takoha žylla (277,7 m2)— $500 tysiač.
Aksana Sidorskaja na raźmierkavańni pracavała ŭ banku, paśla ŭ adnym z mabilnych apierataraŭ, adkul syšła na pracu ŭ minski «Dom Maskvy» (kulturny-dziełavy centr dla prasoŭvańnia kaštoŭnaściaŭ «ruskaha śvietu»). A kali pajšła ŭ dekret, zadumałasia pra ŭłasnuju spravu.
Razam z mužam-dyzajnieram adkryła «prastoru dla estetyčnaha i fizičnaha raźvićcia dziaciej i darosłych». U intervju Probusiness.io jana pryznavałasia, što ramont u pamiaškańni kaštavaŭ kala $50 tysiač: «Častku hrošaj ukłali my z mužam, častku ŭziali ŭ doŭh u baćkoŭ».
Čytajcie pra elitnuju nieruchomaść Aksany Sidorskaj u Maskvie: Jak biełaruski premjer Siarhiej Sidorski Radzimu lubiŭ
Aksana Sidorskaja z mužam. Fota Probusiness.io
Siarhiej Sidorski byŭ premjer-ministram Biełarusi ŭ 2003-2010. U 2011-2018 pracavaŭ ministram pa pramysłovaści i ahrapramysłovym kompleksie Jeŭrazijskaj ekanamičnaj kamisii.
Siarhiej Sidorski