«Biełarusbank» pieradumaŭ uvodzić abmiežavańni pa valutnych apieracyjach z kartkami
Učora paviedamlałasia, što «ASB Biełarusbank» ŭvodzić šerah abmiežavańniaŭ, u tym liku niemahčyma budzie źniać valutu z kartki ŭ biełaruskich rublach. Siońnia na sajcie Biełarusbanka źjaviŭsia pres-reliz, u jakim zajaŭlajecca pra adnaŭleńnie apieracyj, prypynienych z 14:00 26 sakavika:
— pa vydačy ŭ bankamatach banka i kasach banka najaŭnaj zamiežnaj valuty pa kartkach, vypuščanym u biełaruskich rublach;
— pa vydačy najaŭnaj zamiežnaj valuty pa kartkach inšych bankaŭ u kasach i bankamatach banka;
— pa ŭniasieńni biełaruskich rubloŭ z vykarystańniem bankamataŭ, infakijoskaŭ i ŭ kasy banka dla papaŭnieńnia kartak, vypuščanych u zamiežnaj valucie;
— pa ažyćciaŭleńni apieracyj pieravodu ŭ zamiežnaj valucie z prymianieńniem kartak (ich rekvizitaŭ), vypuščanych u biełaruskich rublach;
— pa zaličeńni biełaruskich rubloŭ pa apieracyjach pieravodu z prymianieńniem rekvizitaŭ bankaŭskich kartak na biahučyja (raźlikovyja) bankaŭskija rachunki, dostup da jakich moža być zabiaśpiečany pry vykarystańni bankaŭskaj apłatnaj kartki, adkrytyja ŭ zamiežnaj valucie;
— pa papaŭnieńni pry vykarystańni bankaŭskich kartak, vypuščanych bankam u biełaruskich rublach, u infakijoskach i kanałach dystancyjnaha bankaŭskaha absłuhoŭvańnia banka (Internet-bankinh, M-bankinh) układaŭ (depazitaŭ, u tym liku Internet-depazitaŭ), biahučych (raźlikovych) bankaŭskich rachunkaŭ, adkrytych u zamiežnaj valucie.