Natalla Kačanava dabudavała katedž u Drazdach — i pierapisała na dziaciej FOTY
Staršynia Savieta Respubliki Natalla Kačanava dabudavała svoj katedž u elitnym rajonie Viaśninka («Drazdy-2»). Ale, jak i mnohija inšyja čynoŭniki, nie zachacieła ličycca haspadarom darahoj nieruchomaści.
Jak stała viadoma «Našaj Nivie», u śniežni 2019 hoda jana padaryła dom dźvium dočkam.
Ciapier katedž płoščaj kala 320 kvadratnych mietraŭ naležyć u roŭnych dolach siostram Volzie Hardašuk i Alenie Kaładynskaj.
Starejšaja Volha pa adukacyi piedyjatr. Jana skončyła Biełaruski dziaržaŭny miedycynski ŭniviersitet, a paśla razam z mužam pracavała ŭ raddomie ŭ Navapołacku.
Volha Hardašuk, fota «Ukantakcie»
Małodšaja Alena advučyłasia na historyka-fiłałahičnym fakultecie Połackaha dziaržaŭnaha ŭniviersiteta.
Alena Kaładynskaja, fota «Ukantakcie»
Kačanava atrymała ŭčastak dla budaŭnictva ŭ Drazdach-2 u 2016 hodzie. Vyśvietliłasia, što jaje ŭklučyli ŭ śpiecčarhu.
Čytajcie. Jak Kačanava za paŭhoda abahnała ŭ čarzie na žyllo 10530 žycharoŭ Centralnaha rajona Minska
Susiedzi Kačanavaj — hienieralny sakratar ADKB Stanisłaŭ Zaś, kasmanaŭt Aleh Navicki i spartsmienka Alaksandra Hierasimienia.
Čytajcie:
Historyja žyćcia Natalli Kačanavaj: jak valejbalistka z vodakanała stała samaj vysokapastaŭlenaj žančynaj Biełarusi
Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
