Łukašenka daviedaŭsia, što ŭ škołach charčavańnie dziaciej-biaspłatnikaŭ adroźnivajecca ad dziaciej-płatnikaŭ, i zahadaŭ unifikavać
Pra heta jon zajaviŭ siońnia, naviedvajučy novuju škołu №93 ŭ Minsku, paviedamlaje BiełTA.
Kiraŭniku dziaržavy prademanstravali stravy z školnaha mieniu. Było ŭźniata pytańnie roźnicy ŭ padychodach da zabieśpiačeńnia charčavańniem vučniaŭ. Košt charčavańnia dziaciej u škołach apłačvajuć baćki.
Adnak dla niekatorych katehoryj navučencaŭ, u tym liku dziaciej sa šmatdzietnych siemjaŭ, vydatki na charčavańnie kampiensuje dziaržava, heta značyć dla takich siemjaŭ jano biaspłatnaje. Abmiežavańnie ŭ košcie takoha charčavańnia pryvodzić da roźnicy ŭ vybary straŭ i racyjonu, i dzieci atrymlivajuć inšaje charčavańnie, čym ich adnakłaśniki.
«Dzieci pavinny być usie ŭ roŭnych umovach. Nie hańbiciesia. Heta duraść, jakuju ja čuju ŭ pieršy raz. Abaviazkova ŭ roŭnych umovach!» — padkreśliŭ Alaksandr Łukašenka.
