Śviata niezaležnaści ŭ horadzie braterskaj lubovi: u Fiładelfii prajšła sustreča biełarusaŭ ZŠA
Dźvie sotni amierykanskich biełarusaŭ źjechalisia z roznych štataŭ u Fiładelfiju, kab adznačyć Dzień abviaščeńnia niezaležnaści i pravieści razam čas na śviežym pavietry. Mierapryjemstva było arhanizavana siemjami Akułavych i Kudzinavych pry padtrymcy firmy «Rullex» i supołki «Biełarusy ZŠA. Razam lahčej» u pryhožym parku Tamaniend.
Hości samaha roznaha ŭzrostu mieli cudoŭnuju mahčymaść uziać udzieł u spabornictvach pa valejbole i mini-futbole, pačastavacca admysłova pryhatavanymi stravami, patančyć i navat pravieryć svoj uzrovień vałodańnia biełaruskaj movaj. Maleńkija biełarusy radasna hojsali na batucie, pakul ich baćki viali dušeŭnyja razmovy ź ziemlakami padčas piknika.
Kulminacyjaj mierapryjemstva staŭ pranikniony vystup hurta «Kazinak», muzykanty jakoha vykanali kavier-viersii papularnych piesien i prezientavali aŭdytoryi svaje novyja śpievy na biełaruskaj i anhlijskaj movach.
Admietna, što Fiładelfija, jakuju jašče nazyvajuć «horadam braterskaj lubovi» (adpaviedna pachodžańnia nazvy z hrečaskaj movy), źjaŭlajecca adnym z najstarejšych amierykanskich haradoŭ, dzie była pryniataja dekłaracyja niezaležnaści ZŠA, a taksama žyŭ naš słavuty ziamlak Tadevuš Kaściuška.
Viadoma, što raspaŭsiudžanaj prablemaj biełaruskaj dyjaspary za miažoj źjaŭlajecca raźjadnanaść jaje pradstaŭnikoŭ. Adnak u apošnija hady, pieravažna ŭ Ńju-Jorku i šerahu susiednich štataŭ, nazirajecca aktyvizacyja ŭ śfiery praviadzieńnia raznastajnych biełaruskich imprez, kolkaść udzielnikach jakich niaŭchilna raście. Zastajecca spadziavacca, što hety impet nie zhaśnie ŭ dalejšym i pryniasie svoj plon.
