Maksim Mirny zaviaršyŭ spartyŭnuju karjeru
Fota Dzianisa Kaściučenki
Biełaruski tenisist Maksim Mirny abviaściŭ pra zaviaršeńnie karjery. Jon źmiaściŭ adkryty list na sajcie Biełaruskaj tenisnaj fiederacyi.
«Heta było ciažkaje dla siabie rašeńnie uličvajučy, što tenis źjaŭlajecca maim žyćciom z samaha rańniaha dziacinstva. Ja ščaślivy, što mnie ŭdałosia tak doŭha atrymlivać asałodu ad hetaj hulni!
Vystupajučy na asabistych turnirach, albo hulajučy za krainu ja zaŭsiody staviŭsia da svajoj prafiesii z vysokaj stupieńniu honaru i pavahi, zaŭsiody pracavaŭ z poŭnaj addačaj i, tamu vychodžu z hulni bieź niejkaha škadavańnia i tolki na pazityvie! Mnie ŭdałosia dasiahnuć na šmat bolš, pra što mały ź Minska moh maryć, uziaŭšy ŭ ruku rakietku.
Moj doŭhi šlach byŭ by niemahčymym biez pastajannaj padtrymki majoj siamji. Ja zastanusia ŭ viečnym doŭhu pierad svaimi baćkami, jakija mianie z małych hadoŭ vychoŭvali ŭ lepšych spartyŭnych tradycyjach i vučyli žyćciu. Na rańnim etapie moj baćka staŭ klučavoj fihuraj u majoj karjery, prachodziačy sa mnoj usie ŭzroŭni raźvićcia jak trenier, mieniedžar i jak siabar. Maja žonka i dzieci zaŭsiody mianie napaŭniali nievierahodnaj padtrymkaj i vielmi natchniali prasoŭvacca napierad»
Mirny ŭ liście padziakavaŭ usim, chto padtrymlivaŭ, sustrakaŭsia na tenisnym šlachu.
Maksim Mirny — pieramožca 53 turniraŭ ATP u parnym razradzie, 10 turniraŭ Vialikaha šlemu ŭ parnym razradzie i mikście, alimpijski čempijon Łondana ŭ mikście (ź Viktoryjaj Azaranka), doŭhačasovy lidar mužčynskaj zbornaj Biełarusi. U Minsku jon zasnavaŭ tenisnuju akademiju.
