Vice-prezident danieckaha «Šachciora» prapanavaŭ pravieści ČS pa futbole ŭ 2030 hodzie va Ukrainie, Polščy i Biełarusi
ČS pa futbole ŭ 2018 hodzie prajšoŭ u Rasii, u 2022 h. projdzie ŭ Katary, a ŭ 2026 h. u ZŠA, Kanadzie i Mieksicy. Fota kremlin.ru
Vice-prezident FK «Šachcior» i prezident CHK «Danbas» Barys Kaleśnikaŭ prapanavaŭ pravieści čempijanatu śvietu pa futbole ŭ 2030 h. adrazu ŭ troch krainach: Ukrainie, Polščy i Biełarusi, piša Tribuna.com.
«Naprykład, jak było ŭ Lvovie. Da Jeŭra-2012 heta byŭ niebłahi horad. Ale takich haradoŭ i ŭ Zachodniaj Jeŭropie vielmi šmat. A takaja padzieja, jak Jeŭra-2012, pryniesła Lvovu suśvietnuju słavu.
Kali ŭžo kazać pra padobnuju inicyjatyvu, a vojnaŭ biaskoncych nie byvaje, to možna pravieści čempijanat śvietu pa futbole ŭ troch krainach — Ukraina, Biełaruś, Polšča», — skazaŭ jon.
U 2022 h. ČS projdzie ŭ Katary, u 2026 h. u ZŠA, Kanadzie i Mieksicy.
Raniej žadańnie pravieści čempijanat śvietu — 2030 vykazała Anhlija, sumiesna Uruhvaj/Arhiencina/Parahvaj, sumiesna Paŭdniovaja Kareja/Paŭnočnaja Kareja/Japonija, a taksama Kitaj i Jehipiet.
