Baćki napisali, na što iduć ich dzieci dziela futboła — hieroj adnaho ź listoŭ adkryje matč Lihi Jeŭropy
Futbalisty BATE zaprasili 11 junych hulcoŭ na treniroŭku 21 kastryčnika napiaredadni hulni z łondanskim «Čełsi». Takim čynam spartoŭcy vyrašyli zaachvocić dziaciej, jakija dziela zaniatkaŭ futbołam hatovyja da lubych ciažkaściaŭ. Naprykład, katacca na zaniatki z susiedniaha horada ci rabić chatniaje zadańnie ŭ aŭtobusie.
Archiŭny zdymak. Matč BATE — «Arsienał». Fota Siarhieja Hudzilina.
U hetym hodzie ŭ Biełarusi ŭpieršyniu prachodzić mižnarodny prajekt «Juny arbitr». Jon dapamahaje futbalistam-pačatkoŭcam akazacca ŭ liku tych, chto adkryvaje bujnyja turniry: vynosić miač ci vyvodzić kamandu na pole. U našaj krainie prajekt źjaviŭsia dziakujučy Kia Motors, jaki prapanavaŭ biełaruskim chłopčykam i dziaŭčynkam vynieści miač na pole padčas chatniaha matča FK BATE z «Čełsi».
Za 7 dzion było sabrana bolš za 500 zajavak z usich abłaściej Biełarusi. U ich dzieci i ich baćki dzialilisia historyjami pra padjom a šostaj ranicy, šmathadzinnyja pajezdki praz uvieś horad i ŭroki, jakija davodzicca rabić u aŭtobusie. Usio heta dziela lubimaja hulni i mary stać najlepšymi ŭ svajoj spravie.
Illa, 10 hadoŭ
Dzicia zakachałasia ŭ futboł, pabyvaŭšy na «Barysaŭ-Arenie». Vyrašyŭ stać bramnikam. Na kožnuju treniroŭku jaho advozić babula, na 2 aŭtobusach. Sam jon nie jeździć, bo zasynaje ad stomlenaści paśla vučoby i moža prajechać svoj prypynak. Troch trenirovak u kłubie jamu mała, tamu kožny dzień junaha futbalista treniruje babula z sabakam Kuziem. Illa staić na impravizavanaj bramie ŭ pakoi, babula kidaje miač, a Kuzia ŭ abaroncach…
Valeryja, 9 hadoŭ
Valeryja zajmajecca futbołam užo 2 hady. Pryjšła na treniroŭku razam sa svaim stryječnym bratam i niekalki razoŭ padała miač na pole i była adznačana trenieram pa dakładny i mocny ŭdar. Prapanovu ab pačatku trenirovak razam z chłopčykami była pryniata Valeryjaj imhnienna. Dla baćkoŭ i svajakoŭ hetaje rašeńnie było niečakanym, bo mama i babuli vielmi chacieli praciahu zaniatkaŭ balnymi tancami abo inšym, bolš ułaścivym dla dziaŭčynki zachapleńniem. Treniroŭki Valeryi, jak praviła, prachodziać u Baraŭlanach z kamandaj chłopčykaŭ, a na vychodnych — hulni ŭ składzie dziavočaj kamandy…
11 futbalistaŭ BATE pračytali ŭsie 506 listoŭ i praniklisia historyjami metanakiravanych junych biełarusaŭ. Jany vyrašyli zaprasić 11 chłopčykaŭ i dziaŭčynak 21 kastryčnika ŭ hości na trenirovačnuju bazu ŭ Barysavie, pry hetym kožny spartsmien abraŭ adzin list, jaki jaho asabliva ŭraziŭ.
Ivan, 12 hadoŭ
Zajmaŭsia z 6-ci hadoŭ futbołam, karate i handbołam, ale luboŭ da futboła vycieśniła ŭsio… (pa karate nie było nivodnaha prajhranaha boju), ale heta nie spyniła jaho, i jon kinuŭ usio dziela futboła. Tak skłałasia, što na treniroŭcy Vania atrymaŭ pierałom pazvanočnika. Paŭhoda nie ŭstavaŭ z łožka, potym padjom na 5 chvilin, na 10 i z pavieličeńniem času kožny dzień — paŭtara hoda adnaŭleńnia… A kali pryjšli da traŭmatołaha pa daviedku, pieršym pytańniem było: «Vy mianie puścicie na futboł?» Zajmalisia 2 hady ŭ pryvatnaj škole. Paśla chadzili na prahlad u «Dynama-Juni», u «BATE», «Minsk». Usie kažuć, što zadatki jość, ale mała techniki, šmat stračana času. Ale Vańka nie zdajecca, napisaŭ siabie cydułku na chaładzilnik, kali kudy možna budzie patelefanavać u nastupnym hodzie, kab iznoŭ iści na prahlady. Skazaŭ: «Kaliści ž pavinny mianie zaŭvažyć».
Vital, 8 hadoŭ
Naša siamja žyvie ŭ horadzie Fanipal, i kali raniej my, baćki, vazili jaho na treniroŭki, to zaraz, druhi hod zapar, naš 8-hadovy syn jeździć z Fanipala ŭ Minsk samastojna, choć heta dałosia jamu vielmi ciažka. Ale strach dalokaj darohi sastupiŭ žadańniu praciahvać zajmacca futbołam. Zatoje ciapier jon hanarycca tym, što niezaležna ad baćkoŭ moža dabracca da Minska ŭ svaje 8 hadoŭ.
Mikita, 9 hadoŭ
Dabirajecca da trenirovak (zav. Uralski, 15) z pasiołka Sokał (vuł. Baramzinoj), pieraadolvajučy adlehłaść u 60 km u dva baki… Zajmajecca futbołam z 5 hadoŭ. Na ŭzroŭni Miesi jon pakul jašče nie zajhraŭ, ale vielmi choča damahčysia takich ža pośpiechaŭ, choć pakul u jaho heta i nie zusim atrymlivajecca.
Imia junaha arbitra KIA, jaki adkryje matč u adkaz FK BATE i «Čełsi» na «Barysaŭ-Arenie», stanie viadoma 22 kastryčnika. Jaho nazavuć pieramožca Lihi čempijonaŭ UEFA Alaksandr Hleb i hałoŭny trenier FK BATE Alaksiej Baha. Šaniec adkryć matč Lihi Jeŭropy jość va ŭsich, chto paśpieŭ padać zajaŭku.
