Heta byŭ šykoŭny finał! Francyja vyjhrała čempijanat śvietu VIDEA
Charvatyja, dziakuj!
fifa.com
Francyja va ŭpartaj baraćbie pieramahła Charvatyju i vyjhrała čempijanat śvietu pa futbole, druhi raz u historyi. Matč skončyŭsia ź likam 4:2.
fifa.com
Matč pačaŭsia dla charvataŭ kryŭdna. Miač va ŭłasnyja varoty zrezaŭ Mandžukič. Zatym Pieryšyč bliskuča zabiŭ u adkaz. Potym toj ža Pieryšyč zhulaŭ rukoj u svajoj štrafnoj, i sudździa paśla prahladu videapaŭtoru pryznačyŭ pienalci, a Hryzman nie schibiŭ — 2:1.
U pieršaj pałovie druhoha tajma francuzy zabili dva miačy (Pahba i Mbape) — 4:1. Ale charvaty ruki nie skłali, pamyłka hałkipiera zbornaj Francyi Łarysa — i Mandžukič lik skaraciŭ — 2:4. Na bolšaje bałkancaŭ nie chapiła. Tym nie mienš, jany dabilisia najlepšaha vyniku ŭ historyi.
fifa.com
Z 1970 hoda ŭ finałach čempijanataŭ śvietu nie zabivałasia bolš za piać miačoŭ (1970 — 5, 1986 — 5). U 1966 h. Anhlija vyjhrała ŭ Hiermanii 4:2, ale ŭ dadatkovy čas. U 2010-m i 2014 hh. ŭ finale było zabita pa adnym hole. U 2006-m asnoŭny i dadatkovy čas skončyŭsia 1:1 i ŭsio vyrašyła sieryja pienalci. U 2002 h. Brazilija vyjhrała ŭ Hiermanii 2:0.
Takoha cikavaha i šmatholnaha finału daŭno nie było.
