Biełaruskich bijatłanistaŭ źniali z estafiety paśla 12 štrafnych kruhoŭ. Pieramahli šviedy

Mužčynskaj estafietnaj honkaj 4ch7,5 km u niamieckim Abierchofie zaviaršyŭsia 4-y etap Kubka śvietu pa bijatłonie. Pieramožcami estafiety stali bijatłanisty Šviecyi. Druhoje miesca ŭ italjancaŭ, treciaje — u kamandy Narviehii.

Honka adbyvałasia ŭ niaprostych umovach nadvorja, adznačaje BiełTA. Na žal, horš za ŭsich ź vietram i tumanam spravilisia biełaruskija bijatłanisty. Uładzimir Čapielin i Siarhiej Bačarnikaŭ na dvaich prabiehli 12 štrafnych kruhoŭ. Kali Maksim Varabiej padychodziŭ da pieršaj stralby druhoha etapa, bielhijcy ŭžo zaviaršali druhuju, tamu našu kamandu vyrašana było źniać z dystancyi. U vynikovym pratakole Biełaruś akazałasia na apošnim, 25-m miescy.

Nastupny etap Kubka śvietu startuje 10 studzienia ŭ Rupoldynhu.

0

0

0

0

0

0