Biełaruska choča stvaryć akademiju amatarskaha sportu dla žančyn
Hanna Bandarenka z adnadumcami zasnavała ŭnikalny prajekt «Zdolnaja» — svojeasablivy bajcoŭski kłub dla žančyn.
Tolki tut nikoha nie źbivajuć. Naadvarot, robiać usio dla taho, kab dziaŭčyny stali bolš tryvałymi i ŭpeŭnienymi ŭ sabie na zaniatkach pa futbole, rehbi, karate, łonhbordzinhu i inš.
Hanna maryć stvaryć u Biełarusi sapraŭdnuju žanočuju akademiju amatarskaha sportu. Pra toje, navošta patrebna takaja ŭstanova, jak sport dapamahaje astatnim śfieram žyćcia i jak nie zhubić siabie ŭ sučasnym šalonym rytmie, čytajcie ŭ našaj ź joj hutarcy.
Hanna Bandarenka, zasnavalnica «Zdolnaj».
«Naša Niva»:Što padšturchnuła ciabie stvaryć sacyjalna-spartyŭny prajekt «Zdolnaja»?
Hanna Bandarenka: Spačatku adnoj z sfarmulavanych zadač była papularyzacyja sportu: kab kožnaja žančyna mahła zajmacca lubym nakirunkam, niahledziačy na fizičnyja i finansavyja mahčymaści. Ale ź ciaham času stała zrazumieła, što tut nie prosta sport dziela sportu. Heta vydatny instrumient, kab pracavać z bolš hłybokimi i važnymi temami: samaacenka, upeŭnienaść u sabie, lidarski patencyjał i inš.
Sport dapamahaje i ŭ zvyčajnym žyćci: vučycca adstojvać svajo mierkavańnie, spraŭlacca z peŭnymi sacyjalnymi stereatypami, umieć kazać «nie». Heta historyja pra toje, jak paśla naładžvańnia kantaktu z ułasnym ciełam u inšych śfierach usio budzie taksama atrymlivacca praściej.
Kali hladziš na karcinki dziaŭčat ź idealnym ciełam i tvaram u miedyja, časam pačynaje zdavacca, što, kab pačać niejkuju spravu, treba spačatku palepšyć svaju źniešnaść. Ale heta nie tak. Hałoŭnaje — naładzić unutrany dyjałoh i palubić siabie.
«NN»:Nakolki vy pra fieminizm?
HB: My pra jaho ŭ tym liku, pra hiendar. Niekatoryja pytajucca ŭ mianie: jakija mohuć zastavacca prablemy, kali ŭ krainie kuča fitnies-kłubaŭ. U krajnim vypadku možna i na vulicy pabiehać. Ale davajcie zhadajem, što, akramia asnoŭnaj pracy, na biełaruskuju žančynu zvyčajna kładziecca abaviazak pa viadzieńni chatniaj haspadarki.
Kali naradzilisia dzieci, to ŭ sumie kabiecie treba zajmacca tryma rabotami. Ci zastajecca ŭ jaje čas na toje, kab paŭnavartasna zajmacca fizičnaj aktyŭnaściu?
Taksama čamuści apryjory ličycca, što mužčyny ŭ sporcie zaŭsiody lepšyja. Jašče adzin momant źviazany z uzroŭniem prybytkaŭ: u žančyn jon niaredka na pracentaŭ 30 nižej. Kali ŭ krainie ŭ pryncypie zarobki nievialikija, heta vielmi istotna.
«NN»:Mienavita tamu vy robicie biaspłatnyja spartyŭnyja treniroŭki?
HB: Tak, «Zdolnaja» stvarajecca siłami vałancioraŭ na čystym entuzijaźmie, i našy prajekty dastupnyja dla ŭsich. Na treniroŭki da nas možna prychodzić navat razam ź dziećmi. U budučyni my chočam ščylna pracavać ź inkluziŭnymi prajektami: rabić zaniatki dla žančyn ź invalidnaściu. Ale, akramia takoha sacyjalnaha adhalinavańnia, dla bolš ŭstojlivaha raźvićcia chaciełasia b vyłučyć i kamiercyjny błok. Kab mieć mahčymaść adździačyć usim vałancioram.
Adnym z dadatkovych varyjantaŭ isnavańnia ja baču stvareńnie akademii amatarskaha sportu dla žančyn.
Pačniem z futbolnaj škoły, tamu što ja sama zajmajusia futbołam z 13 hadoŭ: mnie budzie praściej vybudavać sistemu zaniatkaŭ, pryciahnuć znakamitych trenieraŭ i h. d.
Plus da ŭsiaho, užo zaraz u ramkach našaha prajektu futboł źjaŭlajecca samym papularnym napramkam. Dziŭnym čynam jon pasunuŭ nazad tradycyjnyja aktyŭnaści nakštałt fitniesu, johi abo tancaŭ. Pryčym niekatoryja dziaŭčaty-futbalistki da taho, jak pryjści da nas, zusim nie siabravali sa sportam, i mienavita hetaja kamandnaja hulnia ich zachapiła.
Ź idejaj stvareńnia akademii sportu ja płanuju paŭdzielničać u baraćbie za hrant ad «Aktyvija» — kłasnaj mahčymaściu ŭvasobić u žyćcio svaju maru. Kruta, kali bujny biźnies dapamahaje startavać pačatkoŭcam.
«NN»:Jak ty sumiaščaješ pracu HR-am u Epam Global, prajekty, zaniatki sportam dy jašče i abaviazki treniera? U ciabie žorstkaja sistema tajm-mieniedžmientu?
HB: Čas ad času, mnie zdajecca, što ja ničoha nie paśpiavaju. I samaje hałoŭnaje, što tut hublajecca — uśviedamleńnie momantu, mahčymaść atrymlivać asałodu ad pracesu. Adzinaje, što ja vykarystoŭvaju ŭ jakaści płaniroŭščyka — kalandar Outlook: mnie važna raśpisać spravy chacia b na tydzień napierad.
Uvohule, kali raniej ludzi žyli pa schiemie «work-life balance» (umoŭna, ty skončyŭ pracavać a 18-j hadzinie i imhnienna zabyŭsia na ŭsie pracoŭnyja momanty, pieraklučyŭšysia na chatnija abaviazki), to ŭ novaha pakaleńnia miežy pamiž pracaj i asabistym žyćciom ścirajucca.
Na źmienu prychodzić schiema «work-life integration», zhodna ź jakoj ja mahu spakojna raźbirać elektronnuju poštu ŭ zakonny abied. Ja baču ŭ hetym tolki plusy: dynamika žyćcia dazvalaje brać enierhiju z adnoj śfiery i vykarystoŭvać u druhoj.
Ja znachodžu pazityŭnym, kali ŭ čałavieka jość nie tolki praca, chaj i lubimaja, dzie jon znachodzicca ŭ najomnickich adnosinach, ale i niejkaja ŭłasnaja sprava, dzie jon rulić. Heta ŭzajemadapaŭnialnyja momanty.
«NN»:Niaŭžo tabie nikoli nie chočacca začynicca ŭ pakoi, vyklučyć telefon i zabycca?
HB: Treba prysłuchoŭvacca da siabie i ŭ peŭny momant brać paŭzu. U vałanciorskaj spravie, dy i ŭ šmat jakoj inšaj, ty pastajanna chodziš pa kole: ad poŭnaha vyharańnia i spustošanaści, niaŭpeŭnienaści ŭ pravilnaści taho, što robiš, da čarhovaha ŭzdymu. Asabista mianie ŭ pieršaj situacyi padzaradžajuć bazavyja rečy: vyspacca, smačna pajeści, patreniravacca (zdavałasia b, fizičnyja nahruzki, naadvarot, prynosiać stomlenaść, ale hetaja stomlenaść zaŭždy pryjemnaja i karysnaja).
«NN»: Svaim prajektam ty dapamahaješ žančynam zdabyć harmoniju z saboj, ci źjavilisia u ciabie niejkija napracavanyja praviły, z čaho varta pačać na hetym šlachu ŭdaskanaleńnia?
HB: Znoŭ viarnusia da taho, što va ŭsim treba prysłuchoŭvacca da siabie. Kali cieła daje sihnał, što jamu patrebny adpačynak, vykazvajučy heta niejkimi bolami, stomlenaściu ci chvarobaj, dajcie jamu heta. Abaviazkova imkniciesia da taho, kab rabić tolki toje, što prynosić zadavalnieńnie.
U sučasnym žyćci zašmat śpieški i śmiećcievaj infarmacyi, tamu, mnie zdajecca, važna ŭziać za praviła chacia b 10 chvilin na dzień pravodzić u spakoi i cišyni, adkinuŭšy ŭbok hadžety. Heta dapamoža napracavać unutrany kantakt.
Nu i, kaniečnie, raju abrać dla siabie niejki sport. Bieh, boks, futboł, skałałazańnie — nie maje roźnicy. Kali vy znojdziecie mahčymaść zajmacca hetym chacia b raz na tydzień, heta zrobić vas kudy bolš enierhičnaj, mocnaj, a značyć, i harmaničnaj.
Kali vy, jak i Hanna, marycie ŭvasobić u žyćcio niejki ŭłasny prajekt, źviazany z fatahrafijaj, kandytarskaj spravaj, tancami, vyjaŭlenčym mastactvam, dyzajnam adzieńnia ci biźniesam, pasprabujcie paŭdzielničać u konkursie «Žyvi ŭ harmonii z saboj» ad «Aktyvija»» i atrymajcie 5500 rubloŭ na jaho realizacyju pad kiraŭnictvam prafiesijnych mientaraŭ. Mary zbyvajucca, a zajaŭki ad zacikaŭlenych prymajucca da 2 krasavika.
Padrabiaźniej pra konkurs možna pačytać u sacsietkach:
Čytajcie taksama:
Tolki dla žančyn. Siem biełarusak atrymajuć pa $3000 na ažyćciaŭleńnie svajoj mary
TAA «Mandej» UNP 192214462
Dziakujem skaładromu «Trapiecyja» za pradastaŭlenaje miesca dla zdymak!
