Kryvavy salut
U Miensku padčas kancertu-śviatkavańnia aficyjnaha Dnia niezaležnaści hrymnuŭ vybuch. Zdareńnie dziŭna nahadvaje analahičnyja vybuchi napiaredadni vybarčaj kampanii 2006 hodu. Fotarepartaž ź miesca zdareńnia.
U Miensku padčas kancertu-śviatkavańnia aficyjnaha Dnia niezaležnaści hrymnuŭ vybuch. Spracavała samarobnaje vybuchovaje prystasavańnie, načynienaje bałtami i hajkami. 65 asobaŭ paranienyja. Milicyja pakul šukaje vinavataha siarod paciarpiełych. Jana źviarnułasia da hramadzian, jakija znachodzilisia na miescy zdareńnia i zdymali toje, što adbyvałasia, z prośbaj ab spryjańni ŭ vyšuku złačyncaŭ. Zdareńnie dziŭna nahadvaje analahičnyja vybuchi napiaredadni vybarčaj kampanii 2006 hodu.
Na miescy načnoha zdareńnia ŭ Miensku znojdziena jašče adna — nierazarvanaja — samarobnaja vybuchovaja pryłada, paviedamili BiełaPAN va ŭpraŭleńni infarmacyi i hramadzkich suviaziaŭ MUS.
Jak skazaŭ 4 lipienia na aperatyŭnaj naradzie ministar unutranych spraŭ Uładzimir Navumaŭ, ciapier pravodzicca ekspertyza dźviuch znojdzienych vybuchovych pryład i askołkaŭ. Ministar raźličvaje, što znachodka moža paŭpłyvać na chutkaść raśśledavańnia.
U. Navumaŭ vykazaŭ upeŭnienaść u tym, što hramadzki paradak padčas astatnich śviatočnych mierapryjemstvaŭ budzie zabiaśpiečany. Źmienaŭ u prahramie śviatkavańniaŭ nia budzie.
Milicyja źviarnułasia da hramadzian, jakija znachodzilisia na miescy zdareńnia i zdymali toje, što adbyvałasia, z prośbaj ab sadziejańni pravaachoŭnym orhanam u vyšuku złačyncaŭ.
* * *
U Miensku padčas śviatkavańnia aficyjnaha Dnia niezaležnaści na kancercie la steły «Miensk — horod-hieroj» hrymnuŭ vybuch.
Jak śviedčać vidavočcy, vybuch byŭ niahučny. Asnoŭnaja masa ŭdzielnikaŭ śviatkavańnia ŭ hrukacie muzyki navat nie daznałasia pra jaho. Kancert nie spyniali.
Pavodle źviestak medykaŭ, paciarpiełyja pastupali ŭ balnicy z 0:30 do 4:00. Va ŭsich klinikach, kudy pastupili paciarpiełyja, znachodziacca supracoŭniki milicyi.
Asnoŭnaja pracoŭnaja versija MUS -- "chulihanstva".
Zdareńnie dziŭna nahadvaje analahičnyja vybuchi napiaredadni vybarčaj kampanii 2006 hodu. Tady ŭ Viciebsku zdaryłasia niekalki vybuchaŭ. Taksama biez achviaraŭ, taksama samarobnych pryładaŭ. Śledčyja padazravali supracoŭnika KDB, ale paśla abvinavačany byŭ vypuščany.
* * *
Adrazu paśla vybuchu na miescy zdareńnia akazaŭsia A. Łukašenka, jaki pacikaviŭsia stanam paciarpiełych.
Milicyja i supracoŭniki KDB šukajuć arhanizataraŭ vybuchu, načalnik mienskaha HUUS Alaksandar Kulašoŭ zaznačaje, što adpracoŭvajucca ŭsie versii. Miarkujecca, što aŭtar vybuchu znachodzicca siarod paciarpiełych.
* * *
Pravaachoŭčyja orhany šukajuć smuhłaha mužčynu, jaki moža mieć dačynieńnie da vybuchu.
Paśla zdareńnia la steły na praspekcie Pieramožcaŭ špitalizavana 65 čałaviek.
Jak paviedamiła "Interfaksu" maci dvuch paciarpiełych, supracoŭniki milicyi, pravodziačy apytańnie śviedkaŭ zdareńnia, raskazali, što mnohija ź paciarpiełych bačyli smuhłaha mužčynu, jaki nieŭzabavie pierad vybucham pakinuŭ pad jełkaj pakiet.
U bolšaści paciarpiełych askołačnyja ranieńni ruk i noh, mnohija znachodziacca ŭ ciažkim stanie.
Adzin z błohieraŭ śviedčyć, što vybucham adnamu chłopcu adarvała nahu, dziaŭčynie – palcy noh. Błohiery taksama źviartajuć uvahu na vialikuju kolkaść mašyn chutkaj dapamohi, što aperatyŭna prybyli na miesca zdareńnia.
* * *
Adzin ź lideraŭ Abjadnanych demakratyčnych siłaŭ Siarhiej Kalakin nie vyklučaje, što vybuch moh być pravakacyjaj uładaŭ:
«U mianie jość peŭnyja sumnieńni na hety kont. A moža, kamuści va ŭładnych strukturach było vyhadna zrabić takuju pravakacyju pierad parlamenckimi vybarami, kab uzbudzić čarhovuju chvalu psychozu, pasprabavać abvinavacić apazycyju i pačać zakručvać hajki pa ŭsich kirunkach. Kali takoje budzie adbyvacca, to ŭ mianie budzie bolej sumnieńniaŭ, a ci nia majuć da hetaha dačynieńnia ŭładnyja struktury. Ale vysnovy pakul rabić rana».
 |
 |
 |
Fota forum.onliner.by
 |
 |
 |
