Studenty BNTU pačali pradavać «alternatyŭnyja» vyšymajki FOTA
Ale chto takija Fainy?
Tut i nižej fota z sajta i instahrama Fainy.by
Startap studentaŭ BNTU Fainy.by byŭ pradstaŭleny aŭdytoryi 11 žniŭnia, paviedamlajecca na staroncy «Startap centr BNTU» na Facebook. Miarkujučy pa staroncy «Fainy» na Instagram, prajekt zapuściŭsia amal dva miesiacy tamu.
«Fainy» nazyvajuć siabie «sajuzam maładych, tvorčych dyzajnieraŭ i supiersučasnaha vyšyvalnaha abstalavańnia». Prajekt budzie pradavać cišotki i inšaje adzieńnie jak z malunkami z nacyjanalnym arnamientam, tak i z aficyjnaj simvolikaj Biełarusi — ci prosta biez malunkaŭ.
Ceny paznačanyja dziŭnyja — ad nula da 130 tysiač za majku.
Niekatoryja tavary nahadvajuć «vyšymajki» nakštałt tych, što prapanuje Symbal.by. Praŭda, z takich u prodažy na sajcie pakul tolki šera-čyrvonaja žanočaja vyšymajka i sinie-žoŭtaja mužčynskaja, a taksama biełaja kiepka z błakitym elemientam arnamienta.
U instahramie «Fainaŭ» taksama pakazanyja roznyja inšyja varyjanty žanočych vyšymajek za 130-300 tysiač.
Na sajcie taksama rekłamujecca «kanstruktar vyšyvanak», ale spasyłki ź jaho nikudy nie viaduć. Sajt całkam na ruskaj movie — za vyklučeńniem adnoj frazy, «Pryhažosť u kožnaj rečy».
Jašče adzin z tavaraŭ «Fainaŭ»
Čytajcie taksama:
Dzie nabyć vyšyvanku: śpis kramaŭ i majstroŭ
16 sajtaŭ, dzie možna nabyć biełaruski padarunak