U Lelčyckim rajonie haryć les, u Brahinskim — tarfianik
10 žniŭnia byŭ vyjaŭleny lasny pažar na płoščy 4,5 ha kala vioski Hłuškavičy Lelčyckaha rajona. Dla likvidacyi pažaru zadziejničana šeść adzinak techniki i 35 čałaviek. Pa stanie na 06.00 11 žniŭnia płošča pažaru składaje 2,5 ha.
Jak paviedamlaje MNS RB, taksama 10 žniŭnia vyjaŭleny tarfiany pažar na płoščy 1 ha kala vioski Katłavica Brahinskaha rajona. Dla likvidacyi pažaru zadziejničana piać adzinak techniki i 16 čałaviek. Pa stanie na 06.00 11 žniŭnia płošča pažaru składaje 0,7 ha.
Haryć les i na terytoryi Ukrainy, niedaloka ad miažy ź Biełaruśsiu. Pavodle źviestak ukrainskich ŚMI, ačahi ŭzharańnia na terytoryi «Čarnobylskaj puščy» byli łakalizavanyja jašče ŭ niadzielu, ciapier ratavalniki sprabujuć likvidavać ahoń. Da likvidacyi pažaru pryciahnuta 97 čałaviek i 17 adzinak techniki, u tym liku try pažarnyja samaloty i viertalot.