Biełaruskamoŭnaja ispanka, jakaja nikoli nie była ŭ Biełarusi - fota, videa
Anchieła Eśpinosa Ruiz ź ispanskaha horada Hranada ŭ adroźnieńnie ad bolšaści biełarusaŭ, našu movu nie tolki lubić, ale i vyvučaje, choć nikoli nie była ŭ Biełarusi. Pra toje, jak atrymałasia, što 20-hadovaja ispanka vučyć biełaruskuju movu, jak Anchieła usprymaje biełaruskaha prezidenta i što jana dumaje pra samu Biełaruś, my zapytali niepasredna ŭ jaje. Na ŭsie pytańni jana adkazała pa-biełarusku.
U 2008-m, kali Anchiele było 15 hadoŭ, jana atrymała stypiendyju ZŠA pavodle prahramy Benjamin Franklin Transatlantic Fellows Initiative. Heta prahrama dla maładych studentaŭ z Amieryki i Jeŭrazii, jakija cikaviacca dypłamatyjaj i mižnarodnymi adnosinami. Tam Anchieła ŭpieršyniu pačuła słavianskija movy — ruskuju, polskuju i, viadoma, biełaruskuju — i adrazu ich palubiła.
Paśla vybaraŭ 2010-ha zacikaviłasia biełaruskaj palitykaj
Ja pačała samastojna vyvučać ruskuju movu, čytała ruskich kłasikaŭ. Cikaviłasia polskaj litaraturaj. Dziakujučy maim siabram z BFTF ja paznajomiłasia z kulturaj, muzykaj i historyjaj inšych słavianskich krain, u tym liku i ź biełaruskaj.
Biełaruś mianie adrazu zacikaviła. U mianie jość adtul siabry, jakija raspaviadali šmat cikavaha pra svaju radzimu. Paśla vybaraŭ u 2010-m ja pačała surjozna cikavicca biełaruskaj palitykaj. Da ŭsiaho inšaha, ja vyrašyła vyvučać polskuju movu va ŭniviersitecie, bo jana źjaŭlajecca movaj šmatlikich arhanizacyj, jakija padtrymlivajuć biełaruskuju kulturu.
Vyjhrała premiju «Biełaruś u fokusie»
U 2012 hodzie ja vyjhrała premiju «Biełaruś u fokusie» za artykuł pra Biełaruś, i trapiła na sieminary ŭ Varšavu. U maim univiersitecie nie było mahčymaści vyvučać biełaruskuju movu. Ja vyrašyła vučyć jaje samastojna, bo mnie vielmi spadabałasia biełaruskaja litaratura, asabliva — sučasnaja paezija.
Ciažka było zvyknucca z fanietykaj i arfahrafijajKali ja pačała vyvučać biełaruskuju movu, ja ŭžo viedała ruskuju i krychu ŭkrainskuju. Viedańnie inšych słavianskich movaŭ vielmi dapamahło. Było ciažka zvyknucca z novaj fanietykaj i arfahrafijaj, zrazumieć niekatoryja archaizmy. Dla ispancaŭ skłony i dziejasłovy ruchu zaŭsiody składanaść, ale ja vielmi lublu hramatyku.
Kupiła padručnik i zajmałasiaBiełaruskuju movu vyvučaju kala dzieviaci miesiacaŭ. Ja kupiła sabie padručnik i zajmałasia, kali byŭ čas. A času nie zaŭsiody chapaje. Nie mahu skazać, što volna vałodaju biełaruskaj movaj. Jana takaja bahataja, što ciažka zrazumieć usie niuansy. Mnie praściej čytać i pisać, čym razmaŭlać, bo praktyki mała.
Biełaruskaja litaratura — šykoŭnajaVarta vyvučyć movu nie tolki tamu, što jana rodnaja (inakš ja b i nie vyvučała, bo ispanka), a taksama tamu, što biełaruskaja mova źjaŭlajecca vielmi cikavaj ź linhvistyčnaj i litaraturnaj kropki hledžańnia. Viedańnie biełaruskaj hramatyki moža być vielmi karysnym, kab zrazumieć ahulnyja zakanamiernaści inšych moŭ. Biełaruskaja litaratura — šykoŭnaja, i zaŭsiody lepiej čytać jaje ŭ aryhinale.
Biełaruskaja mova jak kałychankaMnie vielmi padabajecca hučańnie biełaruskaj movy. Heta adna z samych hałoŭnych pryčyn, pa jakoj ja pačała jaje vyvučać. Mnie zdajecca, što vašaja mova vielmi miłahučnaja i harmaničnaja — jak kałychanka.
U Ispanii viedajuć Azaranku i futbolnyja kamandy BiełarusiU Ispanii vielmi mała viedajuć pra Biełaruś. Ludzi čuli pra Viku Azaranku, futbolnyja kamandy, niekatoryja pieśni «Jeŭrabačańnia» dy inš. Akramia hetaha zusim ničoha nie viedajuć ni pra kulturu, ni pra palityku, ni pra movu. Ja zaŭsiody raskazvaju svaim siabram pra Biełaruś i imknusia znajomić ich ź biełaruskaj kulturaj.
Biełaruskija ludzi zdolnyja dasiahnuć usiahoBiełaruś dla mianie — kraina ź vialikaj historyjaj, bahataj kulturaj, vydatnym falkłoram i, na maju dumku, ź vielmi vialikimi mahčymaściami. Tamu ja dumaju, što biełarusy pavinny hanarycca svajoj radzimaj i vieryć u jaje. Tolki tady jana budzie raźvivacca. Hałoŭnaje, što biełaruskija ludzi dobryja, adkrytyja i zdolnyja dasiahnuć usiaho, čaho žadajuć.
Ja viedaju i vielmi lublu biełaruskuju muzykuJa nikoli nie była ŭ Biełarusi. Kali pryjedu da vas, chaču pabačyć Bresckuju krepaść. Čuła, što pryroda ŭ vas vydatnaja. Ja viedaju i vielmi lublu biełaruskuju muzyku: Respubliku Palinu, «Lapisa Trubiackoha», Lavona Volskaha, «Kaśsiopieju», Ivana Małkoviča, Źmiciera Vajciuškieviča, Mulavina, N.R.M.
Biełaruskaja dziaržava nie nadaje movie patrebnaj važnaści
Biełarusy, napeŭna, curajucca svajoj movy. Asabliva praz mahutny ŭpłyŭ Rasii na biełaruskuju kulturu. Dziaržava nie nadaje movie toj važnaści, jakuju jana nasamreč maje. Tamu biełaruskaje hramadstva niedaaceńvaje svaju rodnuju biełaruskuju movu.
Ułada razbeściła ŁukašenkuŠto ja viedaju pra prezidenta Biełarusi? Alaksandr Łukašenka pieršy raz pieramoh na vybarach u toj momant historyi, kali nichto nie viedaŭ, što budzie dalej. Jon abiacaŭ stabilnaść, i heta było vielmi važna dla biełaruskaha hramadstva. Atrymałasia takaja stabilnaść, što Łukašenka ŭžo 19 hod zastajecca va ŭładzie, jakaja razbeściła jaho. Prahrama — archaičnaja, i staŭleńnie ŭłady da biełaruskaj movy, rodnaj kultury i navat da svajho hramadstva, pa-mojmu, vielmi niehatyŭnaje.
