Першую партыю электрамабіляў плануюць выпусціць у 2021 годзе

У Беларусі разлічваюць выпусціць першую партыю электрамабіляў у 2021 годзе, паведаміў сёння журналістам першы намеснік міністра прамысловасці Сяргей Гунько, піша БЕЛТА.

«Для арганізацыі вытворчасці электрамабіляў, любой вытворчасці, неабходная досыць сур'ёзная падрыхтоўка, фінансавыя рэсурсы, акупнасць.

Мы не бачым пакуль такой эканамічнай эфектыўнасці. Аднак нават з улікам гэтага паставілі задачу ў наступным годзе арганізаваць вытворчасць ад 500 да 1000 штук», — сказаў Сяргей Гунько.

Паводле яго слоў, ёсць шмат тэхнічных задач і праблем, звязаных з праграмным забеспячэннем, наяўнасцю дастатковай зараднай інфраструктуры. Праблемай з'яўляецца і падзенне зараду акумулятараў пры паніжэнні тэмпературы ў зімовы сезон.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0