У Volkswagen Jetta будзе беларускі складнік
Гродзенская «Радыёхваля» пачала вытворчасць жгутоў для аўтамабіляў.
Гродзенскае ААТ «Радыёхваля» пачало вытворчасць камплектаў электраправадоў (жгутоў) для аўтамабіляў Volkswagen Jetta. Пра гэта паведаміў начальнік вытворчасці жгутоў акцыянернага таварыства Мікалай Клешч.
На прадпрыемстве ў рамках рэалізацыі буйнога інвестпраекта ўведзена ў эксплуатацыю лінія па вытворчасці жгутоў для легкавых аўтамабіляў Volkswagen Jetta. Працэс навучання з 15 кастрычніка вядуць польскія спецыялісты.
Рыхтуецца доследная партыя жгутоў для Jetta, якая будзе адпраўлена на выпрабаванні ў Еўропу.Працэс навучання спецыялістаў плануецца завяршыць да канца года, пасля чаго арганізоўваць пастаянныя пастаўкі камплектаў правадоў для нямецкага канцэрна.
З расійскім прадпрыемствам заключаны дагавор аб намерах, згодна з якім прадугледжваецца выкарыстоўваць у зборцы жгуты, вырабленыя ў Гродне (раней завод закупляў гэтыя камплектуючыя ў Польшчы, Германіі). У дагаворы таксама прапісаны намеры арганізаваць на «Радыёхвалі» вытворчасць жгутоў для Skoda Octavia і Skoda Yeti для зборкі ў Ніжнім Ноўгарадзе. Устаноўку неабходнага абсталявання на гродзенскім прадпрыемстве плануюць пачаць яшчэ ў бягучым годзе.Гродзенскія жгуты плануецца пастаўляць у Ніжні Ноўгарад, дзе размешчана зборка гэтай мадэлі аўтамабіляў Volkswagen.
У «Радыёхвалі» ўжо ёсць вопыт работы з вядомымі аўтаканцэрнамі. Тут вырабляюць больш за 500 мадыфікацый жгутоў для легкавых аўтамабіляў мадэлей Volkswagen Golf A5, A5 + і А6, Transporter T5 і Audi ТТ.
Пашырэнне дзеючай і арганізацыя новай вытворчасці электраправодных жгутоў на ААТ «Радыёхваля» вядзецца ў рамках інвестпраекта з аб’ёмам фінансавання 5 млн. еўра. Ён рэалізуецца ў свабоднай эканамічнай зоне «Гроднаінвест» пры ўдзеле вядучых японскіх і фінскіх фірм — вытворцаў электраабсталявання для аўтагігантаў Sumitomo Electric Wiring Systems (Europe) ldt. і PKC Group.
У рамках інвестпраекта толькі пад праект для зборкі ў Ніжнім Ноўгарадзе плануецца да канца 2013 года працаўладкаваць яшчэ больш за 300 чалавек. Усяго ж
ААТ «Радыёхваля» — былое канверсійнае прадпрыемства, якое мае ў сваім складзе ўсе віды вытворчасцей і тэхналогій, характэрных для заводаў радыётэхнічнага напрамку, з замкнёным цыклам вытворчасці. Да 2004 года прадпрыемства спецыялізавалася на распрацоўцы, вытворчасці і рэалізацыі тавараў народнага спажывання (радыёпрыёмнікі, тэлевізары, гаражныя замкі) і прадукцыі
З 1 лютага 2004 года ГРУВП «Радыёхваля» ўваходзіць у склад вытворчага аб’яднання «Мінскі маторны завод». З2011-га — у склад холдынга «Аўтакампаненты».