Чаму ДАІ «фільтруе» рух у гадзіны пік перад выходнымі?
Аперацыя «Фільтр» — як гэта робіцца.
«Толькі тармозяць паток, — разважаюць многія, — і не даюць спакойна праехаць за горад». Усё гэта робіцца для бяспекі руху, каб адпачынак на выходных не быў азмрочаны аварыямі па чужой віне, сцвярджаюць інспектары.
Напярэдадні выходных, асабліва ў цёплы сезон, «фільтруюць» дарогі на шляху да месцаў масавага адпачынку. У гэты раз абралі дарогу на Пціч. Парадак дзеянняў ДАІ ўжо адпрацаваны. У некалькіх кіламетрах ад Мінска стаіць першая машына спецпадраздзялення «Страла». У ёй ўсталяваная сістэма «АўтаУраган».
— Лічбавая камера накіраваная ў спадарожным патоку кірунку, — апісвае працу прыбора супрацоўнік ДАІ. — Яна падлучаная да ноўтбука. Праграма скануе і распазнае нумарныя знакі практычна ўсіх машын, якія праязджаюць міма. Нумар аўтаматычна правяраецца па агульнарэспубліканскай базе. У асобным акне паказвае: скажам, Kia Pride, універсал, цёмны металік, нумар (цяперашні і ранейшы «чырвоны», калі такі быў), прозвішча, імя, імя па бацьку ўладальніка. Калі за гаспадаром аўтамабіля лічыцца
УНа тварах некаторых кіроўцаў, якія чакаюць сваёй чаргі, каб праехаць, чытаецца незадаволенасць. Усе яны хутчэй імкнуцца з’ехаць з горада, на дачу ці на прыроду.адным-двух кіламетрах ад першай машыны стаіць пост. У гэтым месцы і праводзіцца аперацыя «Фільтр». Пакідаюць дзве паласы для руху, спыняюць падазраваныя ў парушэнні машыны.
— Шчыльнасцю патоку спрабуюць скарыстацца нядобрасумленныя аўтааматары, — тлумачыць інспектар. — «Бяспраўнікі» хочуць праскочыць незаўважанымі. Усе хочуць адпачыць. Аднак некаторыя не бачаць адпачынак без алкаголю, а потым садзяцца за руль. Тыя, якіх злавілі на нецвярозай яздзе і якія потым зноў селі за руль, мы лічым, здольныя паўтарыць п’яны ўчынак. За мінулы тыдзень — і гэта бачна па зводках — здарылася каля дзесяці ДТЗ, у якіх фігуравалі «пазбаўленцы», некаторыя былі ў стане алкагольнага ап’янення. Падобныя здарэнні пачасціліся ў апошні месяц. «Фільтрамі» мы прадухіляем аварыйнасць з удзелам такіх кіроўцаў. Так, за гадзіну працы выявілі 5 аўтаўладальнікаў, якія кіравалі машынамі, нягледзячы на пазбаўленне правоў. Іх чакаюць немалыя штрафы.
Яшчэ адна праблема, якая праяўляецца ў летні сезон, — машыны непасрэдна ў месцах адпачынку. Інспектары адправіліся ў рэйд на пляж ў аднаго з вадаёмаў у Мінскім раёне.
Кіроўцы (большасць нумароў — сёмага рэгіёну) упэўнена праязджалі за «кірпіч» і паркаваліся ў некалькіх метрах ад вады, парушаючы, да ўсяго іншага, і патрабаванні экалогіі. «Калі афармляць — альбо ўсіх, альбо нікога. А на складанне пратаколаў сыдзе не менш сутак, нават калі прыедуць тры машыны Дзяржаўтаінспекцыі, — заўважыў інспектар. — Некалькі кіроўцаў з’ехалі, убачыўшы нас, адагналі аўтамабілі на стаянку — ужо ёсць нейкі эфект».
Выезд з дарогі, якая вядзе да пляжу, перагароджвае пазадарожнік, які рухаецца насустрач. Інспектар выходзіць, просіць адагнаць аўтамабіль. «Мне толькі мангальчык забраць», — заяўляе аўтааматар. Пасля непрацяглай гутаркі з абурэннямі з боку парушальніка, маўляў, «а як інакш», «стварыце ўмовы» і «толькі карныя меры», мужчына ўключае заднюю перадачу і адпраўляецца на паркоўку. Праязджаючы міма яе, мы заўважаем, што як мінімум адна траціна