Кіроўцу аўтобуса, які ўпаў у раку ў Пецярбургу, прымусілі выйсці на працу адразу пасля 20-гадзіннай змены
Пра гэта расказала ягоная жонка.
Фота: Фонтанка
Кіроўца аўтобуса, які зваліўся ў раку Мойку ў цэнтры Санкт-Пецярбурга, перад гэтым адпрацаваў з пятай гадзіны раніцы да другой гадзіны ночы.
Аднак толкам выспацца Рахматошу Карбонаву не ўдалося. Як расказала ягоная жонка, мужчыну пабудзілі а палове восьмай раніцы і распарадзіліся зноў выйсці на працу, піша Mash.
На здароўе кіроўца не скардзіўся, але яго магла падвесці стомленасць.
Пасажырскі аўтобус з людзьмі зваліўся ў раку Мойку пасля таго, як кіроўца не справіўся з кіраваннем. У салоне знаходзіліся каля 20 чалавек. У выніку здарэння загінулі тры чалавекі, яшчэ чацвёра знаходзяцца ў стане клінічнай смерці.
44-гадовага кіроўцу аўтобуса Рахматоша Карбонава затрымалі. Супраць яго завялі крымінальную справу.
Чытайце таксама:
Стала вядома асоба кіроўцы аўтобуса, што зваліўся ў раку ў Пецярбургу, і марка машыны
У Пецярбургу дасталі з вады ўсіх пасажыраў аўтобуса. Тры чалавекі загінулі
З'явілася ВІДЭА падзення аўтобуса з людзьмі ў раку ў Санкт-Пецярбургу
У Пецярбургу аўтобус з 20 пасажырамі зваліўся ў ваду. Ёсць загінулыя
