Яшчэ адзін былы жыхар Беларусі загінуў у складзе ПВК «Вагнер»
Паводле інфармацыі, не пацверджанай афіцыйнымі крыніцамі, былы жыхар Светлагорска Марат Суўханаў загінуў у складзе расійскай ПВК «Вагнер», піша «Гомельская вясна».
Паводле наяўных звестак, Марат Суўханаў у 2008 годзе скончыў Светлагорскае гарадское ПТВ № 50 хімікаў. Пасля таго ён працаваў вахтавым метадам у расійскай буравой кампаніі.
У Расіі мужчына быў затрыманы і асуджаны па артыкуле Крымінальнага кодэкса, звязаным з наркатычнымі сродкамі. Падчас адбыцця пакарання ён быў завербаваны на ўмовах амністыі ў ПВК «Вагнер».
Чытайце таксама:
Расіянін вярнуўся з фронту ў Гомель. Тут яго затрымалі і будуць судзіць
