Амбразевіч распавёў пра небяспеку АЭС: «Як вогнішча, проста дзёрнам не прыкрыеш»
Намеснік міністра замежных спраў Юрый Амбразевіч перад пачаткам пасяджэння Савета па ўстойлівым развіцці ў Мінску, прысвечанага Міжнароднаму дню памяці аб чарнобыльскай катастрофе, распавёў журналістам пра небяспеку АЭС. Праўда, хвалюе яго не беларуская станцыя, а літоўская, якая 15 год як не працуе.
Намеснік міністра замежных спраў Юрый Амбразевіч
Юрый Амбразевіч распавёў, што Ігналінская АЭС, пабудаваная яшчэ ў часы Савецкага Саюза і падобная да Чарнобыльскай АЭС.
«Наша суседства выклікае ў нас законную занепакоенасць. Галоўнае, чаго ў нас няма, — належнага ўзроўню камунікацыі з літоўскім урадам па пытаннях бяспекі Ігналінскай АЭС», — сказаў намеснік міністра.
Ён падкрэсліў, што любая атамная электрастанцыя — гэта вельмі складаны тэхналагічны абʼект, які, «як вогнішча, проста дзёрнам не прыкрыеш». Нават пасля таго, як ён выведзены з эксплуатацыі, неабходна доўгая сурʼёзная праца па кансервацыі.
«У нас на гэты момант няма ўпэўненасці, што ўсё праходзіць належным чынам», — сказаў Юрый Амбразевіч.
Чытайце таксама: