У ЗША адбыўся першы ў гісторыі паветраны навучальны бой паміж чалавекам і штучным інтэлектам
І пілот, і штучны інтэлект (ШІ) знаходзіліся ў паветры ў абстаноўцы, набліжанай да баявой, і абодва кіравалі знішчальнікамі F-16. Падрабязнасці раскрыў Пентагон.
Эксперыментальны знішчальнік на базе мадыфікаванага F-16D пад назвай VISTA (Variable In-flight Simulator, ці адаптыўны лётны трэнажор), на якім усталяваны штучны інтэлект, здольны кіраваць прыладай без пілотаў. Фота: прэс-служба вайсковай авіябазы «Эдвардс», Каліфорнія
Упраўленне перспектыўных даследчых праектаў пры Пентагоне (DAPRA) паведаміла аб правядзенні першага ў гісторыі натурнага навучальнага бою паміж пілотамі ВПС ЗША і спецыяльным штучным інтэлектам. Бой адбыўся яшчэ восенню мінулага года.
Выпрабаванне праводзілася на эксперыментальных знішчальніках VISTA (Variable In-flight Simulator, ці адаптыўны лётны трэнажор), створаных на базе мадыфікаваных F-16D. Адна з галоўных пераваг знішчальніка VISTA — поўная сумяшчальнасць з ШІ, які можа кіраваць прыладай самастойна.
«У рамках сакрэтнай праграмы Air Combat Evolution (эвалюцыя паветранага бою), два пілоты на адным з F-16 у амаль баявым становішчы супрацьстаялі штучнаму інтэлекту, які паводзіў сябе гэтак жа бездакорна, як і ў звычайных сімуляцыях да гэтага.
Абодва самалёты прадэманстравалі высокую актыўнасць у вядзенні бою, збліжаліся на адлегласць да 600 метраў на хуткасці больш за 1900 кіламетраў у гадзіну», — даў справаздачу Пентагон.
У ведамстве не раскрылі, хто перамог у вучэбнай схватцы, але дадалі, што ў самалёце з ШІ падчас выпрабавання знаходзіўся другі пілот на выпадак непрадбачаных сітуацый, аднак ён ні разу не ўмяшаўся ў працэс бою.
Чытайце таксама:
ЗША ўпершыню выкарысталі «зброю будучыні» пры адбіцці атакі на Ізраіль. Вось што пра яе вядома
Міністр абароны Брытаніі не выключае перадачы Кіеву лазернай зброі
