У Мінскай вобласці затрымалі кіраўнікоў двух сельгаспрадпрыемстваў
У Стаўбцоўскім і Нясвіжскім раёнах за хабар затрымалі дырэктараў двух сельскагаспадарчых прадпрыемстваў. Абодва яны бралі грошы «за спрыяльнае вырашэнне пытанняў закупкі мінеральных угнаенняў і кармавых дрожджаў, своечасовай аплаты пастаўленага тавару», паведаміла МУС.
Фота ілюстрацыйнае
Вядома, што кіраўнік стаўбцоўскага прадпрыемства атрымліваў «грашовыя ўзнагароды» за паслугі са студзеня да красавіка. Агульная сума «падзякі» склала 1200 еўра. Дырэктара нясвіжскага прадпрыемства затрымалі ў яго кабінеце з хабарам у 400 еўра. Супраць абодвух мужчын завялі крымінальныя справы.
Кіраўнікоў гэтых сельгаспрадпрыемстваў затрымалі падчас праверак, якія цяпер, падчас пасяўной, ладзіць міліцыя.
Чытайце таксама:
За буйны хабар судзяць дырэктара «Мінскрамбуда» і тылавога начальніка з Дэпартамента аховы МУС
Віцэ-мэра Веткі судзілі за карупцыю. Але адправілі на лячэнне ад вар'яцкіх ідэй шлюбнай нявернасці