Украіна плануе пачаць контрнаступ у 2025 годзе, калі «пратрымаецца» ў 2024 годзе
Па словах заходніх чыноўнікаў, зараз Кіеў знаходзіцца ў самым уразлівым становішчы за два гады вайны. Існуе рызыка калапсу ўкраінскіх сіл і прарыву Расіі.
Байцы Сібірскага батальёна, які рэкрутуецца з расіян-добраахвотнікаў, што змагаюцца на баку Украіны. Фота: Efrem Lukatsky / AP
Ракетныя атакі і бамбардзіроўкі сіламі Расіі, а таксама недахоп боепрыпасаў і наступ на фронце ўзмацняюць асцярогі, што ваенны канфлікт ва Украіне блізкі да пераломнага моманту, піша «Украіна зараз» са спасылкай на Le Figaro.
Прадстаўнік Белага дома заявіў, што Кангрэсу неабходна прыняць меры, каб ухваліць ваенную дапамогу, і іншага шляху няма.
Французскія вайскоўцы лічаць, што пераможа той, хто першым мабілізуецца, але абодва бакі пакуль не гатовы прыняць рашучыя крокі. Украінскае грамадства стамілася ад вайны, а Крэмль пазбягае непапулярных рашэнняў, каб не выклікаць унутраную апазіцыю.
Французскі чыноўнік адзначае цікавасць Украіны да ЗРК SAMPT, параўнальна з амерыканскім Patriot. Больш, чым сама сістэма, патрэбныя ракеты да яе, але вытворца не зможа паставіць больш ракет Aster 30 у кароткатэрміновай перспектыве.
Чытайце таксама:
Зяленскі паабяцаў разбурыць Крымскі мост падчас новага контрнаступу
Зяленскі назваў прымітыўнымі ідэі Трампа аб здачы тэрыторый у абмен на спыненне вайны
