У Беларусі пачалі адключаць ацяпленне
У сувязі з пацяпленнем у некаторых абласцях Беларусі пачалі адключаць ацяпленне, піша БелТА.
З 1 красавіка спынілася падача цяпла ў грамадскія, адміністрацыйныя будынкі, прамысловыя прадпрыемствы і іншыя арганізацыі Гомеля. Такое ж рашэнне сёння прыняў і Магілёўскі гарвыканкам.
Раней паведамлялася, што адключаць цяпло ў прамысловых і адміністрацыйных будынках пачалі ў Гродне.
Такое рашэнне звязана з анамальна высокай для гэтага часу тэмпературай надвор'я, якая ўсталявалася ў Беларусі з апошніх дзён сакавіка.
Аднак ужо з заўтрашняга дня сіноптыкі прагназуюць пахаладанне, парывісты вецер, дажджы і нават мокры снег у некаторых раёнах краіны.
Чытайце таксама:
Сіноптыкі папярэдзілі пра небяспечныя ўмовы надвор'я сёння
У сераду пахаладае да +8°С, магчымы мокры снег. І гэта таксама не першакрасавіцкі жарт
