Беларускі халаднік трапіў у топ найлепшых халодных супоў свету, абагнаўшы расійскую акрошку
У канцы сакавіка гастранамічны інтэрнэт-партал Taste Atlas прэзентаваў рэйтынг найлепшых халодных супоў усяго свету. У топ-20 трапіў і беларускі халаднік.
Фота: 1000i1koushyk.blogspot.com
Большая частка супоў еўрапейскія: прычым пяць — іспанскія. У спісе ёсць чатыры варыянты халодных супоў з бураком (літоўскі, латвійскі, польскі і беларускі).
Першае месца ў літоўскага Šaltibarščiai (даслоўна: халодны боршч), які набраў 4,3 бала з 5. Адзначаецца, што суп рыхтуецца з простых інгрэдыентаў, яго прыгатаванне не патрабуе шмат часу.
На другім месцы іспанская Porra Antequeranna (4,3 бала, ваколіцы андалусійскай Малагі), якая нагадвае гаспача і сальмарэху. Робіцца з таматаў, салодкага перцу, часныку, аліўкавага алею і хлеба.
На трэцім месцы ўласна Salmorejo (4,1 бала, Кордава, Іспанія), аднак ён лічыцца самым папулярным. Гэты суп больш густы і крэмападобны, чым гаспача. Дадаюць мясную нарэзку і яйкі.
На чацвертым месцы балгарскі Таратор (4,1 бала): Халодны суп з несалодкім тлустым ёгуртам, агуркамі, часныком, крапівой і арэхамі.
На пятым месцы французскі Vishyssoise (4,1) — крэмавы халодны суп з парэю, бульбы, булёна і вяршкоў.
Tasteatlas.com
Латвійская версія халадніка (Aukstā zupa) на восьмым месцы. У адрозненне ад літоўскага і беларускага туды дадаюць каўбасу.
Іспанска-андалусійскае гаспача на 10-м месцы з 3,7 бала.
Беларускі халаднік на 13-м месцы
«Халаднік — халодны суп з буракоў, які быў асноўнай стравай беларускай кухні з канца XVIII стагоддзя. Яго гатуюць з вараных буракоў, змяшаных з кефірам, агуркамі, зялёнай цыбуляй і кропам. Суп традыцыйна падаецца з лыжкай смятаны..», — гаворыцца ў анатацыі на сайце. Таксама ў Беларусі часам халаднік гатуецца на вадзе.
Адметна, што наш халаднік абышоў расійскую акрошку, у якой 14-е месца і 3,6 бала.
Чытайце таксама:
Самыя агідныя стравы ў свеце: што трапіла ў рэйтынг і ці ёсць там беларускае
Беларускія велікодныя традыцыі ў пытаннях і адказах
Шэф-кухар мінскай гімназіі назваў пяць любімых страў школьнікаў
