У Крамлі далі ўказанне дзяржаўным і лаяльным уладзе СМІ падкрэсліваць у тэракце «ўкраінскі след»
Украіна рашуча абвяргае гэтыя закіды.
Фота: МНС Расіі
Дзяржаўныя і лаяльныя ўлады расійскія выданні атрымалі ўказанне з Адміністрацыі прэзідэнта РФ падкрэсліваць у публікацыях аб тэракце ў падмаскоўным «Крокус Сіці Холе» магчымы «ўкраінскі след», піша «Медуза».
Пра гэта «Медузе» распавёў супрацоўнік аднаго з дзяржаўных СМІ. Яшчэ адна крыніца — супрацоўнік выдання, лаяльнага Крамлю, — пацвердзіла гэтую інфармацыю.
Інфармацыю пра магчымы «ўкраінскі след» у справе аб тэракце ў «Крокусе» распаўсюдзіла ФСБ раніцай 23 сакавіка. Ведамства заявіла, што пасля здзяйснення злачынства чацвёра падазраваных збіраліся перайсці расійска-ўкраінскую мяжу і «мелі адпаведныя кантакты на ўкраінскім баку».
Іх затрымалі, як паведаміла ФСБ, у ноч на 23 сакавіка ў Бранскай вобласці па шляху да мяжы.
МЗС Украіны яшчэ 22 сакавіка катэгарычна адкідаў абвінавачванні, якія прагучалі пасля тэракту ад расійскіх афіцыйных асоб, у тым, што Кіеў нібыта датычны да стральбы і пажару ў «Крокус Сіці Холе». «Лічым такія абвінавачванні спланаванай правакацыяй Крамля», — казалі ў Міністэрстве.
Дарадца кіраўніка офіса прэзідэнта Украіны Міхаіл Падаляк таксама заяўляў, што Украіна не мае дачынення да тэракту.
Чытайце таксама:
Што вядома пра беларуса Аліма Кашаварава, які знаходзіцца ў вельмі цяжкім стане пасля тэракту
У Душанбэ заявілі, што трое мужчын з арыенціровак не датычныя да тэракту
Усе затрыманыя па падазрэнні ў тэракце ў «Крокусе» — грамадзяне Расіі
Затрыманы па справе тэракту ў «Крокус Сіці Холе» кажа, што застрэліў людзей за грошы
