Дзмітрый Пяскоў: Гэта пачыналася як спецыяльная ваенная аперацыя, але ўжо стала вайной
Прэс-сакратар Пуціна даў інтэрв'ю газеце «Аргументы і Факты», у якім заявіў, што Украіна акупавала расійскія тэрыторыі — тыя рэгіёны далучаных украінскіх абласцей, якія цяпер знаходзяцца пад кантролем Кіева.
Фота: SOTA
«Пра што гаворыць прэзідэнт? У нас з'явіліся чатыры новыя суб'екты федэрацыі. І для нас галоўнае — засцерагчы людзей у гэтых суб'ектах і вызваліць тэрыторыю гэтых суб'ектаў, якая ў цяперашні момант з'яўляецца дэ-факта акупаванай кіеўскім рэжымам.
Мы знаходзімся ў стане вайны. Так, гэта пачыналася як спецыяльная ваенная аперацыя, але як толькі там утварылася гэтая кампашка, калі калектыўны Захад стаў удзельнікам гэтага на баку Украіны, для нас гэта ўжо стала вайной. Я ў гэтым упэўнены. І кожны павінен гэта разумець, для сваёй унутранай мабілізацыі», — сказаў Пяскоў.
Чытайце таксама:
Чаго чакаць ад выбараў у Расіі і як яны адаб'юцца на Беларусі? Разважаюць аналітыкі
Пяскоў назваў састарэлым апублікаваны WSJ праект міру з Украінай
