Назвалі самую сырную краіну ў свеце. І не, гэта не Францыя
Згодна з новым дакладам, 9 з 10 краін, якія больш за ўсё вырабляюць, спажываюць і думаюць пра сыр, знаходзяцца ў Еўропе.
Photo: Daniel Vogl/dpa (Photo by Daniel Vogl/picture alliance via Getty Images)
Некаторыя народы павінны любіць сыр больш, чым іншыя, праўда? І як вымераць такую прыхільнасць? На гэтыя надзённыя пытанні нарэшце адказалі цікаўныя людзі з агенцтва маркетынгавых даследаванняў Mintel, паведамляе Euronews.
У сваёй новай справаздачы «Самыя сырныя краіны свету» яны ацэньваюць кожную краіну па імпарце сыру, яго вытворчасці і колькасці запытаў у Google на слова «сыр» на іх роднай мове.
І вынікі неверагодна добрыя для Еўропы, краіны якой занялі дзевяць з дзесяці месцаў у тым-10.
Канчатковы рэйтынг самых сырных краін свету па версіі Mintel выглядае так:
8-10. Швецыя, Фінляндыя і Данія. 7. Швейцарыя. 6. Брытанія. 5. Аўстрыя. 4. ЗША (адзіная краіна па-за Еўропай). 3. Бельгія. 2. Францыя.
А пераможцам у намінацыі «Самая сырная краіна» сталі Нідэрланды — радзіма шалёна папулярных гатункаў гаўды і эдама.
Невялікая па тэрыторыі краіна з насельніцтвам усяго 17 мільёнаў чалавек штогод імпартуе сыру на 14 даляраў (13 еўра) (3,1 кілаграма) на чалавека, што робіць Нідэрланды самым буйным пакупніком сыру сярод усіх краін. Там таксама вырабляюць 38 гатункаў, якія ядуць па ўсім свеце.
Акрамя таго, галандцы думаюць пра сыр больш, чым хто-небудзь іншы ў свеце: на душу насельніцтва прыпадае найбольшая колькасць штомесячных запытаў у Google па запыце «сыр» на роднай мове.
Чытайце таксама:
Хатні варыянт хачапуры — простыя грузінскія бліны на кефіры
Літоўскія кухары адраджаюць нацыянальныя стравы
Назіранне за тым, як іншыя ядуць нездаровую ежу, можа дапамагчы схуднець
Запяканка з цёртай бульбы з гароднінай
Перараджэнне пекарына: як кавід змяніў італьянскія авечыя сыры
