У Гомелі за «палітыку» асудзілі галоўнага інжынера «Мілкавіты»
Два тыдні ў Гомельскі абласным судзе разглядалася крымінальная справа былога галоўнага інжынера гомельскага прадпрыемства «Мілкавіта» Аляксандра Стругальскага. 47-гадовага жыхара Гомеля абвінавацілі ў фінансаванні «экстрэмісцкай» дзейнасці паводле арт. 361-2 КК. Справу з 25 студзеня разглядаў суддзя Сяргей Багінскі.
Аляксандра затрымліваў ГУБАЗіК яшчэ 4 кастрычніка 2022 года. Увесь гэты час доўжылася папярэдняе следства. Да суда утрымліваўся ў СІЗА №3 Гомеля, піша «Вясна».
Паводле праўладных тэлеграм-каналаў, дзе было апублікаванае відэа, Стругальскі «спрабаваў сарваць правядзенне рэспубліканскага рэферэндуму, а таксама дасылаў грошы ў фонд «Байсол».
Іншыя акалічнасці справы пакуль невядомыя.
Прысуд быў абвешчаны 13 лютага. Стругальскага пакаралі абмежаваннем волі тэрмінам на тры гады без накіравання ва ўстанову адкрытага тыпу (гэта значыць «хатняя хімія»).
Чытайце таксама:
Суд у Гомелі прысудзіў мясцоваму жыхару тры гады хатняй хіміі за данат у «Байсол»
