Згвалтаваная ў Варшаве беларуска памерла
Лізе было 25 гадоў.
Згвалтаваная ў Варшаве беларуска памерла.
Інфармацыю пра смерць пацярпелай паведаміла Барбара Мяткоўска, прэс-сакратар універсітэцкага клінічнага цэнтра Варшаўскага медыцынскага ўніверсітэта.
Жорсткі напад адбыўся ў ноч з суботы на нядзелю — дзяўчына была знойдзеная раніцай ля аднаго са шматкватэрных дамоў на вуліцы Журавя. З таго часу 25-гадовая дзяўчына знаходзілася ў бальніцы, і дактары вызначылі, што яе стан вельмі цяжкі. Дзяўчына ў выніку ўдушша перанесла гіпаксію галаўнога мозгу і заставалася без прытомнасці.
«Пацыентка ў цяжкім стане. Яе жыццю пагражае небяспека, працягваюцца спробы яе выратаваць. Жанчына знаходзіцца ў аддзяленні рэанімацыі і анестэзіялогіі. Стан здароўя не дазваляе яе апытаць у паліцыі. Пацыентка знаходзіцца без прытомнасці», — паведаміла 29 лютага прэс-сакратарка бальніцы Барбара Мяткоўска.
Паводле неафіцыйнай інфармацыі Onet.pl, у выніку душэння зламыснікам у 25-гадовай пацярпелай адбылася гіпаксія мозгу, якая можа выклікаць незваротныя наступствы. Пацыентка знаходзілася на апараце штучнай вентыляцыі лёгкіх. Слядоў нажа, якім злачынец пагражаў дзяўчыне, на яе целе няма. Нават калі б хворая апрытомнела, яе чакала б доўгая рэабілітацыя.
«Мы не можам даць інфармацыі пра сам ход лячэння. Аднак магу вас запэўніць, што пацыентка знаходзіцца пад вельмі пільным і клапатлівым наглядам у шпіталі і атрымлівае ўсе неабходныя паслугі, якія магчымыя ў яе стане», — падкрэсліла напярэдадні Барбара Мяткоўска.
Чытайце таксама:
У кватэры падазраванага ў згвалтаванні беларускі ў Варшаве знайшлі кнігу пра сэксуальныя злачынствы
Для падтрымкі згвалтаванай і пакалечанай у Варшаве беларускі адкрылі дабрачынны збор
Беларуску згвалтавалі і спрабавалі задушыць у цэнтры Варшавы
спокойно поворачиваю голову в сторону говорящего, смотрю в его пустые глаза, спокойно отвожу рукой нож, спокойно встаю и ухожу. не бегу (!) спокойно ухожу, не оборачиваясь.
гэта пэўна было нечакана, як для мяне, так і для яго...
гэта была мая такая, як разумею, ахоўная рэакцыя - абсалютнае спакойства ў той момант, што збіла з панталыку таго патэнцыйнага ман'яка... толькі, калі я выйшла да людзей, мяне апанаваў жах... аж трэсла. некалькі дзён увогуле на вуліцу выйсці не магла - баялася ўсіх людзей. нават мам з вазочкамі.
што перажываюць сапраўдныя ахвяры гвалтаўнікоў, нават я ўявіць не магу.
Томаш Каменда, Вадзім і гердзень , я вас пачуло і запісало вашы "слаўныя" імёны