Даносчыца Бондарава ідзе ў дэпутаты Мінгарсавета
Даносчыца Вольга Бондарава падала дакументы на рэгістрацыю кандыдаткай у Мінскі гарадскі савет. 42-гадовая студэнтка Беларускага дзяржаўнага педагагічнага ўніверсітэта вылучаецца ад Камуністычнай партыі на Шугаеўскай акрузе №57. Яна не збірала ніякіх подпісаў у сваю падтрымку, яе механічна дададуць у бюлетэні як вылучэнку ад партыі.
Кандыдаты ў дэпутаты абавязаныя ўказваць свае ранейшыя судзімасці, таму Бондаравай давядзецца прызнацца ў тым, што яе каралі за кантрабанду цыгарэт у Польшчу.
Шанцаў перамагчы ў Бондаравай ніякіх. Па яе акрузе вылучаюцца адразу два больш салідныя кандыдаты. Гэта начальнік аддзялення ідэалагічнай працы в/ч 3214 Міхаіл Адамчык, а таксама завуч гімназіі №38 Святлана Пазняк. Яны абое збіралі подпісы ў сваю падтрымку, а таксама правялі сход працоўнага калектыву, які вылучыў іх у кандыдаты.
Чытайце таксама:
Бягун — Бондаравай: Забылася, як выцоквала набойкамі з ГУБАЗіКа з выглядам аба*ранага янота?
Кодла Бондаравай накінулася на слова «вакацыі». І зноў села ў лужыну
«У нас Эйсманту можна ўсё?» Бондарава атакавала кіраўніка БТ за навагодні канцэрт
Каго з беларускіх літаратараў Бондарава адменіць у 2024 годзе
Пад атаку Бондаравай патрапіў рэпер Сярога. Прычына вельмі сур'ёзная
