«Ціханоўская — гэта для нас Божы дар» — Мілінкевіч
Былы кіраўнік «Руху за Свабоду», кандыдат у прэзідэнты на выбарах 2006 года, а цяпер пазаштатны дарадца Святланы Ціханоўскай Аляксандр Мілінкевіч у інтэрв'ю «Еўрарадыё» патлумачыў, чаму на цяперашнім этапе Ціханоўскую аб'ектыўна немагчыма на кагосьці замяніць.
«Я не бачу ўвогуле шанцаў на тое, каб у нас да першых дэмакратычных выбараў неяк замяніць Ціханоўскую. Нават тым, хто вельмі хацеў бы гэтага. Я сам то не хачу.
Я лічу, што яна добра працуе. Можна рабіць заўвагі, можна быць чымсьці незадаволеным — але ў цэлым вельмі эфектыўна. Яе ўспрымаюць як чалавека роўнага з імі лідары самых вялікіх краін.
Ці можам мы сёння новую Ціханоўскую абраць? Некаторыя кажуць: а вось у наступным годзе выбары Лукашэнкі, сам сябе выбера, а таму ўжо і яе паўнамоцтвы канчаюцца. Я заклікаю ўсіх зноў жа быць адказнымі. Таму што калі хтосьці паспрабуе, — а можа, і зробіць такое няшчасце беларусам, — адштурхнуць убок Ціханоўскую, то гэта будзе значыць толькі адно: мы застанемся без лідара, прызнанага ва ўсім свеце, які агучвае інтарэсы беларускай дэмакратычнай большасці і робіць гэта крок за крокам, нягледзячы на пэўную стомленасць.
Не будзе другой Ціханоўскай, бо не прызнаюць іншага чалавека, выбранага вузкім колам людзей, не ведаю, Каардынацыйнай радай ці нейкімі прадстаўнікамі, на невядома якіх выбарах. Мы не можам правесці нармальныя выбары ў часе такіх рэпрэсій.
Таму, на маю думку, пакуль Ціханоўская здольная, добра працуе і мае яшчэ сілы, трэба дапамагаць ёй да першых выбараў. Там мы вырашым, хто лепшы — яна ці іншы. Але цяпер гэта проста дасягненне вялікае. Я лічу, што гэта Божы дар. Далі нам шанец на чалавека, які стаў на месца лідара, і Беларусь дзякуючы гэтаму застаецца ў парадку дня і Еўропы, і Амерыкі», — патлумачыў Мілінкевіч.
Чытайце таксама:
У кожнага ёсць свае заслугі. Але толькі СЦ можа сцвярджаць, што яна прайшла праз самыя масавыя выбары (няхай і ў вельмі жорсткіх абмежаваннях-2020) і дакладна перамагала ў першым туры з вынікам прыкладна 55-70 адсоткаў. Таксама было б дурасцю абмяжоўваць яе паўнамоцтвы правіламі, вызначанымі ўзурпатарам для сваіх электральных спектакляў, якія ён няспынна парушае.
Паўнамоцтвы СЦ скончацца ў адзіным з чатырох выпадкаў:
1.Пройдуць сумленныя выбары ў Беларусі і з'явіцца абраная дэмакратычным шляхам улада.
2.СЦ вырашыць спыніцца
3.СЦ спыніцца праз аб'ектыўныя чыннікі
4.Знойдзецца нехта, хто зробіць у сэнсе палітычнай мабілізацыі менавіта ўнутры Беларусі выніковае альбо відавочна большае за яе.