У брытанскім заапарку нарадзілася надзвычай рэдкая жывёліна
У заапарку Марвел у Вялікабрытаніі з'явілася на свет дзіцяня афрыканскага дзікага асла. Гэтая жывёліна знаходзіцца пад пагрозай поўнага знікнення, у прыродзе такіх аслоў налічваецца менш за 200 асобін, паведамляе прэс-служба заапарка.
Асляня, імя якога пакуль не называецца, цалкам здаровае, яно ўжо набіраецца сіл. Ягонага бацьку па імені Ларс часова адсялілі ў іншы вальер, каб ён не перашкаджаў самцы наладжваць сувязь з малечай.
Маці асляняці — яе завуць Надзіфа — нарадзілася ў заапарку Марвел у 2007 годзе. Гэта яе трэцяе дзіцяня.
У дзікай прыродзе афрыканскіх аслоў можна ўбачыць у Эфіопіі, Самалі і Эрытрэі.
Чытайце таксама:
У ЗША нарадзілася жырафа без плям
Заакрама ў Вялікабрытаніі паказала двухгаловую змяю
Каму марожанае, а каму і халодны душ. Як насельнікаў Гродзенскага заапарка ратуюць ад спёкі