Медыкі распавялі, калі варта прышчапіцца ад грыпу тым, хто перахварэў на каранавірус
Тыя, хто перанёс каранавірусную інфекцыю, могуць прышчапляцца ад грыпу не раней, чым праз 30 дзён пасля выздараўлення. Пра гэта распавялі спецыялісты Рэспубліканскага цэнтра гігіены, эпідэміялогіі і грамадскага здароўя, паведамляюць «Мінск-Навіны».
Паколькі ў цяперашні асенне-зімовы перыяд чакаецца сумесная цыркуляцыя розных вірусаў, уключаючы SARS-CoV-2, важна своечасова абараніць арганізм ад магчымага заражэння, правёўшы вакцынацыю. Медыкі таксама рэкамендуюць абавязкова зрабіць прышчэпку ад грыпу асобам з групы рызыкі па каранавірусе і тым, у каго ёсць хранічная абструктыўная хвароба лёгкіх (па-за перыядам абвастрэння).
Як тлумачаць спецыялісты, вакцына ад грыпу забяспечвае фарміраванне спецыфічнага імунітэту супраць вірусаў грыпу А і В, пры гэтым шэраг замежных даследаванняў пацвярджае аказанне станоўчага эфекту супрацьгрыпозных вакцын ў папярэджанні інфекцыі COVID-19.
