Хлопец, які намаляваў кола на Стэле ў Мінску, трапіў пад крымінальную справу
Пракуратура Цэнтральнага раёна Мінска накіравала ў суд крымінальную справу супраць 20-гадовага Л.
Маладога чалавека вінавацяць па двух артыкулах — хуліганства (ч. 1 арт. 339) і наўмыснае пашкоджанне асабліва каштоўных гісторыка-культурных каштоўнасцяў (ч. 2 арт. 344).
14 жніўня ён аэразольным балончыкам намаляваў кола з лініяй над ім на скульптуры маці-Радзімы, якая з'яўляецца часткай архітэктурна—скульптурнага комплексу «Абеліск «Мінск — горад-герой».
«Тым самым ён адкрыта здзекаваўся са звычаяў і традыцыяў беларускага народа, асабліва каштоўных культурных дасягненняў краіны, апаганіў увекавечаную памяць удзельнікаў і загінулых падчас баявых дзеянняў у час Вялікай Айчыннай вайны», — адзначаюць у Генпракуратуры.
Шкода комплексу ацэненая ў 425 рублёў. Хлопец яе цалкам кампенсаваў.
