«Крумкачы» радыкальна змянілі назву
krumka.by
У пачатку мінулага сезона «Крумкачоў» выключылі з вышэйшай лігі і не дапусцілі да ўдзелу ў першай з-за даўгоў перад футбалістамі і парушэння парадку ліцэнзавання. 2018 год каманда правяла ў другой лізе пад назвай «НФК Крумкачы» і заваявала пуцёўку ў першую.
Але Федэрацыя футбола адмовілася рэгістраваць каманду са словам «крумкачы» ў назве: застаюцца даўгі перад футбалістамі.
У клубе абвясцілі конкурс на новую назву, і цяпер дружына будзе называцца «Незвычайна фантастычная каманда», паведамляецца на сайце клуба.
«Мы прынялі рашэнне спыніцца на назве «Футбольны клуб НФК». Абрэвіятура «НФК» расшыфроўваецца як «Незвычайна фантастычная каманда». Працэдура змены юрыдычнай назвы пачалася. Нас чакае вялікая праца ў міжсезонне. Разлічваем на вашу падтрымку. Разам зможам перамагчы!»
