Беларускія лузэры у Горадні
У горад над Нёманам едуць аўтары элітарнага альманаху сучаснай беларускай культуры «pARTisan» Артур Клінаў, Валянцін Акудовіч і Максім Жбанкоў.
Аўтары элітарнага альманаха сучаснай беларускай культуры «pARTisan» Артур Клінаў, Валянцін Акудовіч і Максім Жбанкоў прэзентуюць у Гродна новы нумар «pARTisanа», прысвечанага феномену «лузерства» ў беларускай культуры.
Пачатак імпрэзы: чацвер, 30 кастрычніка, 18.30 як заўсёды Будзёнага 48а — 44 (памяшканне Таварыства Беларускай Школы)
Пад вокладкай «pARTisanа» чытач знойдзе аналіз трансфармацыі дыскурсу пра Беларусь філосафа Алеся Анціпенкі, разважанні над загадкавым феноменам «лузер беларускі» паэта Сяргея Прылуцкага і яго альтэр‑эга Сірошкі Пістончыка. Пра лузерскую сутнасць кіно і яго абітальнікаў па той і гэты бок кінаапарата піша Андрэй Расінскі. Лёлік Ушкін разважае пра ўзаемасувязь лёсаў Беларусі і эмігрантаў‑лузераў. У тэксце «Беларускі фармат: запаведнік лузераў» Павал Свярдлоў сцвярджае, што
«Беларусь – запаведнік махрыстай папсы, дзе кожны трактарыст з баянам у мазолістых руках – зорка эстрады».У сваёй аўтарскай калонцы Андрэй Хадановіч распавядае пра беларускіх паэтаў як жывы прыклад «lucky loosers» – шчаслівых няўдачнікаў.
Запрашаем сардэчна!
Чацвер, 30 кастрычніка, 18.30 як заўсёды Будзёнага 48а — 44 (памяшканне Таварыства Беларускай Школы)
